22.06.2026 | 11:55
Խնդիրներ են ստեղծում խցանումների հետ կապված. ինտենսիվ պետք է աշխատենք. Ավինյան․ ՏԵՍԱՆՅՈՒԹ
Իրանը և ԱՄՆ-ն շաբաթ Օմանում կհանդիպեն անուղղակի բանակցությունների համար. Արաղչի
Քաղաքականություն
08.04.2025 | 11:07
Իրանի արտաքին գործերի նախարար Աբբաս Արաղչին հայտարարել է, որ Թեհրանն ու Վաշինգտոնը շաբաթ օրը Օմանում բարձր մակարդակի անուղղակի բանակցություններ կանցկացնեն, գրում է Mehr գործակալությունը։
Նա նշել է, որ բանակցություններին կմասնակցեն երկու կողմերի բարձրաստիճան պաշտոնյաները։
«Իրանն ու Միացյալ Նահանգները շաբաթ կհանդիպեն Օմանում՝ բարձր մակարդակի անուղղակի բանակցությունների համար։ Սա որքան հնավարություն է, այնքան էլ փորձություն։ Գնդակն Ամերիկայի դաշտում է»,- նշել է նա X-ի իր միկրոբլոգում։
Ըստ տարածվող տեղեկությունների՝ բանակցությունները կղեկավարեն Իրանի արտաքին գործերի նախարար Աբբաս Արաղչին և Մերձավոր Արևելքի հարցերով ԱՄՆ նախագահի հատուկ ներկայացուցիչ Սթիվ Ուիթկոֆը՝ Օմանի ԱԳ նախարար Բադր ալ-Բուսաիդիի միջնորդությամբ։
Հիշեցնենք, որ ԱՄՆ նախագահ Դոնալդ Թրամփը հայտարարել էր Իրանի հետ ուղիղ բանակցություններ սկսելու մասին ու հայտնել, որ շաբաթ օրը բարձր մակարդակի հանդիպում տեղի կունենա։
Թարգմանությունը՝ Էմմա Չոբանյանի
