25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Թրամփի մաքսատուրքերի պատճառով եվրոպական ֆոնդային շուկաները ևս անկում են ապրել
Քաղաքականություն
07.04.2025 | 17:41
Համաշխարհային ֆոնդային շուկաները շարունակում են կտրուկ անկում ապրել՝ ԱՄՆ նախագահ Դոնալդ Թրամփի կողմից ամբողջ աշխարհից ապրանքների ներմուծման մաքսատուրքեր սահմանելուց հետո։ Այսօր եվրոպական ֆոնդային շուկաները բացվել են անկմամբ, հայտնում է Bloomberg-ը։
Գերմանական DAX ինդեքսի անկումն առուվաճառքի սկզբում հասել է 10%-ի: Առավոտյան ժամը 10:35-ի դրությամբ՝ DAX-ը կորցրել է 7,5%: Եվրոպական խոշոր ընկերությունների Stoxx Europe 600 կոմպոզիտային ինդեքսը նվազել է 5,1%-ով։ Բրիտանական FTSE 100-ն էժանացել է 6%-ով, ֆրանսիական Cac 40-ը՝ 7%-ով:
Ասիա-խաղաղօվկիանոսյան տարածաշրջանի ֆոնդային շուկաները նույնպես նվազել են։
Nikkei ինդեքսը, որն արտացոլում է ճապոնական 225 առաջատար ընկերությունների դինամիկան, բացումից հետո առաջին րոպեներին կորցրել է 8,8 տոկոս։ Այնուհետև այս ցուցանիշն իջել է 6%-ի։Հոնկոնգի ֆոնդային բորսայի հիմնական ինդեքսը՝ HSI-ը, կորցրել է ավելի քան 9%: Հնդկաստանի հիմնական ֆոնդային ինդեքսն ընկել է 5,1 տոկոսով, ինչն ամենաբարձրն է 2024 թվականի հունիսից ի վեր:
Թարգմանությունը՝ Էմմա Չոբանյանի
