04.04.2026 | 20:03
ՃՏՊ՝ հրդեհի բռնկմամբ
Ադրբեջանի Մեջլիսը միջազգային հանրությանը կոչ է արել ճնշում գործադրել ՀՀ-ի վրա՝ ականների ճշգրիտ քարտեզները փոխանցելու համար
Քաղաքականություն
04.04.2025 | 18:09
Ադրբեջանի Միլլի Մեջլիսը կոչ է արել միջազգային հանրությանը ճնշում գործադրել Հայաստանի վրա՝ ճշգրիտ ականների քարտեզները փոխանցելու համար։ Մեջլիսի հայտարարության մեջ նշվում է, որ ՄԱԿ-ի Գլխավոր վեհաժողովի համապատասխան բանաձևի համաձայն՝ ապրիլի 4-ն ամեն տարի նշվում է որպես Ականազերծման իրազեկման և Ականազերծման գործում աջակցության միջազգային օր։
«Հայաստանն Ադրբեջանի տարածքի ավելի քան 13%-ն աղտոտել է 1,5 միլիոն ականներով և բազմաթիվ չպայթած զինամթերքով։ Հայաստանի կողմից Ադրբեջանի օկուպացված տարածքներում առաջացած լայնածավալ ավերածությունները և ականների խնդիրը զգալի ֆինանսական ծախսեր են պահանջում՝ դրանք վերացնելու համար»,- ասվում է հայտարարության մեջ։
Նշվում է, թե 2020 թվականի պատերազմի ավարտից հետո ականների պայթյունների հետևանքով վիրավորվել է Ադրբեջանի 388 քաղաքացի։
Մեջլիսը կոչ է անում միջազգային հանրությանը ճնշում գործադրել Հայաստանի վրա, «որպեսզի ընդունի իր պատասխանատվությունն ադրբեջանական տարածքների օկուպացիայի համար և Ադրբեջանին տրամադրի ականապատ դաշտերի ճշգրիտ քարտեզներ», ինչպես նաև մեծացնել Ադրբեջանին տրամադրվող օգնությունն ականազերծման ոլորտում։
Հավելենք, որ ավելի վաղ էլ Ադրբեջանի ԱԳՆ խոսնակ Այխան Հաջիզադեն էր ականապատ դաշտերի ճշգրիտ քարտեզներ պահանջել։
Թարգմանությունը՝ Էմմա Չոբանյանի
