05.07.2026 | 12:11
Հուլիսի 6-ին Երկիրը կհասնի Արեգակից ամենահեռու կետին, իսկ նրա ուղեծրային արագությունը կնվազի մինչև տարվա նվազագույն արժեքը
Շնորհավորում եմ բոլորիս․ Ռուբեն Մխիթարյանը՝ Մարտուն Գրիգորյանի որոշման մասին
Քաղաքականություն
04.04.2025 | 16:50
«Շնորհավորում եմ բոլորիս»,- ֆեյսբուքյան իր էջում գրել է «Իմ հզոր համայնք» կուսակցության՝ Գյումրիի քաղաքապետի թեկնածու Ռուբեն Մխիթարյանը, որը ընտրություններից հետո հայտարարել էր՝ պատրաստ է առանց որևէ նախապայմանի քվեարկել առավելագույն ձայներ ստացած ընդդիմադիր թեկնածուի՝ Վարդան Ղուկասյանի օգտին։ Մխիթարյանն այս գրառումն արել է Գյումրիի ՏԻՄ ընտրություններին մասնակցած Մարտուն Գրիգորյանի այն հայտարարությունից հետո, որում ասված է, որ կողմ է Վարդան Ղուկասյանի թեկնածությանը ու «Մեր քաղաքը» դաշինքը կապահովի անհրաժեշտ թվով ձայները։
«Գյումրիում և Փարաքարում ՔՊ-ն ստացավ այն պատասխանը, որին արժանի էր:
Գյումրիում ընդդիմությունը ոչ մեկին թույլ չտվեց «պղտորել ջրերը»:
Շնորհակալ եմ մյուս երեք ընդդիմադիր թեկնածուներին: Ամենակարևորը մենք բոլորս ցույց տվեցինք, որ կարող ենք առաջնորդվել ՀԱՆՈՒՆԻ համար: Շնորհավոր, սիրելի գյումրեցիներ:
Առջևում բաղձալի հաղթանակներն են»,- գրել է Մխիթարյանը։
Հիշեցնենք, Գյումրիի ավագանու արտահերթ ընտրություններում անցողիկ շեմը հաղթահարած «Մեր քաղաքը» դաշինքի ցուցակի առաջին համար Մարտուն Գրիգորյանը տևական լռությունից հետո այսօր հրապարակեց իր որոշումը՝ համայնքապետի ընտրության հարցում աջակցել ընդդիմադիր թեկնածուներից ամենաշատ քվե ստացած Վարդան Ղուկասյանին։
