22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Բաքուն և Անկարան Նախիջևանից Թուրքիա էլեկտրաէներգիայի արտահանման ծավալների ավելացման պայմանագիր են ստորագրել
Քաղաքականություն
04.04.2025 | 19:13
Նախիջևանից Թուրքիա էլեկտրաէներգիա արտահանելու հնարավորությունները մեծացնելու նպատակով «Ազերէներջի» ԲԲԸ-ի և Թուրքիայի էլեկտրահաղորդման կորպորացիայի (TEİAŞ) միջև ստորագրվել է գործառնական պայմանագիր։ Այս մասին հայտնել է Ադրբեջանի էներգետիկայի նախարար Փարվիզ Շահբազովը, փոխանցում են ադրբեջանական լրատվամիջոցները։
«Թուրքիայի էներգետիկայի և բնական պաշարների նախարար Ալփարսլան Բայրաքթարի հետ քննարկել ենք էներգետիկ անվտանգության ոլորտում ռազմավարական կարևոր նախագծերի շուրջ մեր համագործակցությունը։ Քննարկվել են Հարավային գազային միջանցքի զարգացման, Նախիջևան-Թուրքիա էներգահաղորդման, ինչպես նաև Ադրբեջանի, Վրաստանի, Թուրքիայի և Բուլղարիայի միջև «Կանաչ էներգետիկ միջանցք» նախագծի հետ կապված հարցեր»,- նշել է Շահբազովը։
Թարգմանությունը՝ Էմմա Չոբանյանի
