09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թրամփի մերձավոր շրջապատը խորհուրդ է տալիս չզանգել Պուտինին, քանի դեռ նա չի համաձայնել ամբողջական հրադադարի
Քաղաքականություն
04.04.2025 | 11:46
ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև որևէ հեռախոսազրույց նախատեսված չէ։ Թրամփի մերձավոր շրջապատը նրան խորհուրդ է տալիս չզանգահարել Պուտինին, քանի դեռ նա պարտավորություն չի ստանձնել կրակի ամբողջական հրադադարի։ Այս մասին NBC News-ին ասել են ԱՄՆ վարչակազմի երկու պաշտոնյա:
Նրանք զգուշացրել են, որ Թրամփը կարող է հանկարծ որոշել, որ ցանկանում է խոսել Պուտինի հետ: Բայց նրանք ասել է, որ Թրամփին խորհուրդն են տվել,որ հեռախոսազանգը լավ գաղափար չէ, քանի դեռ Պուտինը Սպիտակ տանը չի ասել, որ համաձայն է Ռուսաստան-Ուկրաինա պատերազմում լիարժեք հրադադարի:
Թրամփը կիրակի NBC News-ին ասել էր, որ մտադիր է այս շաբաթ խոսել Պուտինի հետ։ Նա նաև նշել էր, որ «շատ զայրացած է» Պուտինի վրա նրա հայտարարությունների համար, թե Ուկրաինայի նախագահ Վլադիմիր Զելենսկին պետք է հեռանա պաշտոնից։
Ռուս բանակցող Կիրիլ Դմիտրիևը երեկ երեկոյան Սպիտակ տանը հանդիպել է Սպիտակ տան պաշտոնյաների և հանրապետական օրենսդիրների հետ։ Պարզ չէ՝ արդյո՞ք Թրամփը որևէ պահի մասնակցել է հանդիպմանը:
Լրատվամիջոցը նշում է, որ Դմիտրիևը երեկ երեկոյան Սպիտակ տանը հանդիպել է հանրապետական սենատորներ Լինդսի Գրեհեմի և Մարքուեյն Մալլինի հետ՝ Թրամփի խնդրանքով: Ամերիկացի երեք պաշտոնյաներ ասել են, որ խումբը քննարկել է Ուկրաինայում պատերազմի դադարեցման պայմանները և հրադադարի հետ կապված Պուտինի պահանջները։
Թարգմանությունը՝ Էմմա Չոբանյանի
