05.07.2026 | 15:19
«Ռեալը» հայտարարեց ևս մեկ տրանսֆերի մասին
Վիլեն Գաբրիելյանին կփոխարինի Արշակ Օրդուխանյանը
Քաղաքականություն
01.04.2025 | 15:35
ԱԺ պատգամավոր Վիլեն Գաբրիելյանին, ըստ «Քաղաքացիական պայմանագիր» 2021 թվականի արտահերթ ընտրությունների ընտրացուցակի, կփոխարինի Արշակ Օրդուխանյանը։ Նա ՔՊ կուսակցության ընտրական ցուցակում 100-րդն է։
Արշակ Օրդուխանյանը 2021 թվականին նոյեմբերին նշանակվել է փոխվարչապետ Սուրեն Պապիկյանի հասարակական հիմունքներով խորհրդական:
Նշենք, որ ըստ իրավաբանական անձանց e-register համակարգի՝ Արշակ Օրդուխանյանը 2022 թվականի մարտի 14-ից «Զինառ» ՓԲԸ-ում հանդիսանում է ղեկավարումն իրականացնող պաշտոնատար անձ։
Հիշեցնենք, որ «Զինառ»-ը ստեղծվել է 2000 թվականին Կառավարության որոշումով և հանձնվել ՊՆ-ի ենթակայությանը։ Իրավաբանական անձանց e-register համակարգում նշված է, որ ընկերության բոլոր բաժնետոմսերը սեփականության իրավունքով պատկանում են Հայաստանի Հանրապետությանը: «Զինառ»-ում Պետական վերահսկողության ծառայության 2017-2019թթ-ի գործունեության ուսումնասիրության արդյունքում արձանագրվել են շուրջ 160 միլիոն դրամի խախտումներ:
Ուշագրավ է, որ իրավաբանական անձանց ռեգիստրի տվյալներով՝ «Արշակ Օրդուխանյան»-ը 100 տոկոս մասնակցություն ունի «Առաջին գրավատուն» ընկերությունում։
Հիշեցնենք նաև՝ Վիլեն Գաբրիելյանը ֆեյսբուքի էջում գրառում էր արել՝ հայտնելով, որ վայր է դնում պատգամավորական մանդատը՝ կիրակի օրը Գյումրիում իր մասնակցությամբ միջադեպով պայմանավորված։
Մանյա Պողոսյան
