06.10.2026 | 16:53
Գերմանիայի հետախուզական ծառայության նախկին ղեկավարը ձերբակալվել է լրտեսության կասկածանքով
ԱԺ-ն ստացել է Վիլեն Գաբրիելյանի մանդատը վայր դնելու դիմումը
Քաղաքականություն
01.04.2025 | 11:33
ԱԺ աշխատակազմը ստացել է «Քաղաքացիական պայմանագիր» կուսակցության պատգամավոր Վիլեն Գաբրիելյանի մանդատը վայր դնելու մասին դիմումը, այս մասին Factor.am-ին հայտնեց ԱԺ նախագահի մամուլի քարտուղար Մովսես Հարությունյանը։
Ավելի վաղ Վիլեն Գաբրիելյանը ֆեյսբուքի էջում գրառում էր արել՝ հայտնելով, որ վայր է դնում պատգամավորական մանդատը՝ կիրակի օրը Գյումրիում իր մասնակցությամբ միջադեպով պայմանավորված։
Գաբրիելյանը հետո խմբագրել էր իր գրառումը։
Հիշեցնենք, որ Գյումրիում մարտի 30-ին ավագանու ընտրությունների օրը, միջադեպ էր տեղի ունեցել ընտրությունները լուսաբանող լրագրողների և ՔՊ-ական պատգամավոր Վիլեն Գաբրիելյանի միջև։ Լրագրողի հարցին, եթե ՔՊ թեկնածու Սարիկ Մինասյանը պարտվի, շա՞տ կտխրեք, Վիլեն Գաբրիելյանը պատասխանել էր, որ կուրախանա։
Գաբրիելյանը նաև ասել էր. «Մեկ է` 2026-ին իշխանությունը փոխվելու է, խի՞ եմ ես մանդատս հիմա վայր դնում»։
Մանյա Պողոսյան
