30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Պեսկովը մեկնաբանել է ռուսական նավթի դեմ պատժամիջոցներ սահմանելու՝ Թրամփի սպառնալիքները
Քաղաքականություն
01.04.2025 | 16:19
Կրեմլը բարդ է անվանել ուկրաինական կարգավորման շուրջ հարցերը, որոնք քննարկում են Ռուսաստանը և ԱՄՆ-ը՝ հայտարարելով, որ Մոսկվան շարունակում է շփումները Վաշինգտոնի հետ, գրում է Ինտերֆաքսը։
«Հարցերը, որոնք մենք քննարկում ենք՝ կապված ուկրաինական կարգավորման հետ, շատ բարդ են, դրանք շատ լրացուցիչ ջանք են պահանջում։ Մենք շարունակում ենք մեր շփումները ամերիկյան կողմի հետ»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ նախագահ Դոնալդ Թրամփի սպառնալիքները ռուսական նավթի նկատմամբ երկրորդական մաքսատուրքեր մտցնելու մասին, եթե Վլադիմիր Պուտինը ձգձգի Ուկրաինայում խաղաղության գործընթացը։
Հավելենք, որ Թրամփը հայտարարել էր, որ չէր ցանկանա երկրորդական մաքսատուրքեր սահմանել ռուսական նավթի համար, սակայն ստիպված կլինի դա անել, եթե Ուկրաինայում իրավիճակի կարգավորման հարցում առաջընթաց չգրանցվի։
«Ես չեմ ցանկանում երկրորդական մաքսատուրքեր սահմանել նրա նավթի համար, սակայն կարծում եմ՝ կանեի դա, եթե համարեի, որ նա գործից գլուխ չի հանում։ Ես դա արել եմ Վենեսուելայի հետ։ Ուզում եմ՝ նա ավարտի պատերազմը, որ ռուս և ուկրաինացի զինծառայողների սպանությունը դադարեցվի»,- նշել էր ԱՄՆ նախագահը։
Թարգմանությունը՝ Էմմա Չոբանյանի
