09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Բաքուն ՀՀ-ից պահանջում է «հրաժարվել Ադրբեջանի նկատմամբ տարածքային պահանջներից»
Քաղաքականություն
31.03.2025 | 11:25
Ադրբեջանի ԱԳՆ-ն հայտարարություն է տարածել մարտի 31-ի, իբր, «ադրբեջանցիների ցեղասպանության օրվա կապակցությամբ»: Դրանում ասվում է, թե «չնայած տարածաշրջանի պատմության արյունալի էջերը մեկընդմիշտ շրջելու և հետկոնֆլիկտային ներկա ժամանակաշրջանում կայուն ու անշրջելի խաղաղություն հաստատելու պատմական հնարավորությունների առկայությանը՝ տարածքային պահանջների պահպանումը, որոնք ընկած են մի շարք իրավական ակտերում, այդ թվում՝ ՀՀ Սահմանադրության մեջ, հանդիսանում են ամենամեծ խոչընդոտն ու մտահոգության աղբյուրը տարածաշրջանի կայուն ապագայի համար»։
«Այս առումով Ադրբեջանը, շարունակելով իր ազգային և միջազգային ջանքերը՝ հանցագործություն կատարածներին պատասխանատվության ենթարկելու համար, հաստատակամորեն և անշրջելիորեն պահանջում է դադարեցնել Հայաստանի շարունակական տարածքային պահանջները մեր երկրի նկատմամբ՝ տարածաշրջանում կայուն խաղաղության հաստատման համար»,- ասվում է հայտարարության մեջ։
Թարգմանությունը՝ Էմմա Չոբանյանի
