17.07.2026 | 17:32
Զելենսկին Թուրքիայի ԱԳ նախարարին շքանշանով է պարգևատրել
ԱՄՆ-ից արձագանքել են Պուտինի՝ Ուկրաինայում ՄԱԿ-ի հովանու ներքո ժամանակավոր կառավարում մտցնելու առաջարկին
Քաղաքականություն
28.03.2025 | 14:25
ԱՄՆ Ազգային անվտանգության խորհրդի ներկայացուցիչը Reuters գործակալությանը մեկնաբանել է ՌԴ նախագահ Վլադիմիր Պուտինի՝ ՄԱԿ-ի հովանու ներքո Ուկրաինայում ժամանակավոր կառավարում մտցնելու առաջարկը։ Նա նշել է, որ Ուկրաինայում պետական կառավարումը որոշվում է երկրի Սահմանադրությամբ և ժողովրդի կողմից։
Reuters-ը գրում է, որ Պուտինի մեկնաբանությունները շարունակում են նրա հայտարարությունները, որ Ուկրաինայի ղեկավարությունը լեգիտիմ չէ և չի կարող մասնակցել բանակցություններին։ Ուկրաինական կողմը Պուտինի հայտարարություններին դեռևս չի արձագանքել։
Հիշեցնենք, որ Պուտինն առաջարկել էր քննարկել ՄԱԿ-ի և մի շարք երկրների հովանու ներքո Ուկրաինայում ժամանակավոր կառավարման ներդրման հարցը՝ այնտեղ ընտրություններ անցկացնելու համար։
Թարգմանությունը՝ Էմմա Չոբանյանի
