17.07.2026 | 17:32
Զելենսկին Թուրքիայի ԱԳ նախարարին շքանշանով է պարգևատրել
ԱՄՆ-ը կդիտարկի Սև ծովում հրադադարի վերաբերյալ ՌԴ-ի պայմանները․ Մարկո Ռուբիո
Քաղաքականություն
27.03.2025 | 14:35
ԱՄՆ պետքարտուղար Մարկո Ռուբիոն հայտարարել է, որ Ուկրաինայի և Ռուսաստանի հետ նախօրեին ձեռք բերված պայմանավորվածությունները հիմնարար բնույթ են կրում, և որ Վաշինգտոնը մտադիր է գնահատել Մոսկվայի առաջ քաշած պայմանները և որոշել հետագա գործողությունները։ Reuters-ի փոխանցմամբ՝ ԱՄՆ պետքարտուղար Մարկո Ռուբիոն Ջամայկայի վարչապետ Էնդրյու Հոլնեսի հետ մամուլի ասուլիսում հայտարարել է, որ Սև ծովում հրադադարի մասին Ռուսաստանի պահանջները ներառում են ԵՄ որոշ պատժամիջոցների վերացում։
«Մեր հանդիպումից հետո ռուսական պատվիրակությունը մանրամասն ներկայացրել է մի շարք պայմաններ, որոնց իրականացումը ցանկանում են՝ Սև ծովում հրադադարի հասնելու համար։ Մենք պատրաստվում ենք գնահատել դրանք, բայց այդ պայմաններից մի քանիսը ներառում են պատժամիջոցներ, որոնք մեր կողմից չեն սահմանվել, դրանք Եվրամիության պատժամիջոցներն են»,- ասել է Ռուբիոն:
Խոսքը SWIFT-ին Ռոսսելխոզբանկի միացման մասին է, որը պահանջում է ԵՄ պատժամիջոցների վերացում։
Ավելի վաղ էլ Եվրահանձնաժողովի խոսնակ Անիտա Հիփերն ասել էր, որ պատժամիջոցները չեղարկելու կամ փոխելու հիմնական պայմաններից մեկը ռուսական բոլոր զորքերի «անվերապահ դուրսբերումն» է Ուկրաինայի տարածքից։
Թարգմանությունը՝ Էմմա Չոբանյանի
