22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
ՀՀ-ն պետք է ընտրություն կատարի ԵՄ-ի ու ԵՏՄ-ի միջև, չի կարող «երկու աթոռի վրա նստել»․ Օվերչուկ
Քաղաքականություն
27.03.2025 | 12:12
Հայաստանը չի կարող «երկու աթոռի վրա նստել», պետք է ընտրություն կատարի Եվրասիական տնտեսական միության (ԵՏՄ) ու Եվրամիության (ԵՄ) միջև։ ՏԱՍՍ-ի փոխանցմամբ՝ այս մասին հայտարարել է ՌԴ փոխվարչապետ Ալեքսեյ Օվերչուկը։
ՀՀ Ազգային ժողովը, հիշեցնենք, նախօրեին երկրորդ ընթերցմամբ և ամբողջությամբ ընդունեց ԵՄ-ին Հայաստանի անդամակցության գործընթացի մեկնարկի մասին օրինագիծը։
«Ես ծանոթացել եմ օրենքի տեքստին, որն ընդունվել է: Դա Հայաստանի ներքին գործն է։ Իրականում մենք հասկանում ենք, որ և՛ ԵՏՄ-ն, և՛ ԵՄ-ն նման օրակարգեր ունեն։ Այդ պատճառով, իհարկե, երկիրը պետք է որոշում կայացնի։ Երկու աթոռի վրա միաժամանակ նստել հնարավոր չէ, դա հստակ է։ Մենք տեսնում ենք, որ Հայաստանը շարունակում է ակտիվորեն աշխատել Եվրասիական տնտեսական միությունում, և այսօր իր դրական ներդրումն է ունենում եվրասիական ինտեգրման գործում»,- ասել է Օվերչուկը։
Նա հավելել է, որ Ռուսաստանն ուշադիր հետևում է գործընթացներին։
«Մենք հասկանում ենք, որ եթե Հայաստանը շարժվում է դեպի Եվրոպա, ապա, համապատասխանաբար, անհրաժեշտ կլինի վերանայել այդ երկրի հետ տնտեսական հարաբերությունների ամբողջ համալիրը և, ցավոք, դա կարտահայտվի Հայաստանում մարդկանց կենսամակարդակի վրա, ինչը մենք այնքան էլ չէինք ցանկանա»,- հայտարարել է ռուսաստանցի պաշտոնյան։
