17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
ԱՄՆ-ն Իրանից պահանջում է «ամբողջովին դադարեցնել» միջուկային ծրագիրը` հակառակ դեպքում սպառնալով «հետևանքներով»
Քաղաքականություն
24.03.2025 | 22:29
Թրամփի վարչակազմն Իրանին կոչ է անում ամբողջությամբ հրաժարվել իր միջուկային ծրագրից, հակառակ դեպքում, կբախվի հետևանքների։ Այս մասին հայտարարել է ԱՄՆ նախագահի Ազգային անվտանգության հարցերով խորհրդական Մայք Ուոլցը։
Նրա խոսքով՝ ժամանակն է, որ Իրանը «ամբողջությամբ հրաժարվի» միջուկային զենք ձեռք բերելու իր ձգտումից՝ առաջ քաշելով «ամբողջական ապամոնտաժումը»՝ CBS-ի «Face the Nation» հաղորդման ժամանակ ելույթ ունենալով:
«Սա ամբողջական ծրագիրն է, մերժե՛ք, հակառակ դեպքում, կլինեն հետևանքներ»,- ասել է Ուոլցը։
Նա չի հստակեցրել, թե ինչ հետևանքների կարող է բախվել Իրանը, սակայն ասել է, որ նախագահ Դոնալդ Թրամփը «դիտում է բոլոր տարբերակները», ներառյալ՝ դիվանագիտությունը: Ուոլցը ասել է նաև, որ Թրամփի վարչակազմը ցանկանում է, որ Իրանը հրաժարվի իր միջուկային ծրագրից «այնպես, որ տեսնի ամբողջ աշխարհը»:
«Եթե Իրանը միջուկային զենք ունենար, ամբողջ Մերձավոր Արևելքը կպայթեր սպառազինությունների մրցավազքի մեջ։ Դա բոլորովին անընդունելի է մեր ազգային անվտանգության համար: Իրանը 1979 թվականից ի վեր ամենավատ տեղում է իր իսկ ազգային անվտանգության տեսանկյունից»,- ասել է Թրամփի խորհրդականը։
Հիշեցնենք, որ ավելի վաղ Թրամփն Իրանին նամակ էր ուղարկել և, ըստ լրատվամիջոցների, երկու ամիս ժամանակ տվել նոր միջուկային գործարքի հետ կապված։
Թարգմանությունը՝ Էմմա Չոբանյանի
