20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ուկրաինայի իշխանությունները համաձայնել են ընտրություններ անցկացնել. ԱՄՆ հատուկ բանագնաց
Քաղաքականություն
22.03.2025 | 13:00
Ուկրաինայի իշխանությունները համաձայնել են նախագահական ընտրություններ անցկացնել երկրում․ ասել է ԱՄՆ հատուկ բանագնաց Սթիվեն Ուիթքոֆը Թակեր Կարլսոնին տված հարցազրույցում. գրում է DW—ի ռուսական ծառայությունը։
Ուիթքոֆն արձագանքել է Կարլսոնի այն պնդմանը, թե ռուսական իշխանությունները հրաժարվում են որևէ համաձայնագիր ստորագրել Վլադիմիր Զելենսկու հետ՝ նրան մեղադրելով ոչ լեգիտիմության մեջ, քանի որ հերթական նախագահական ընտրությունները Ուկրաինայում չեն կայացել։ Լրագրողներից մեկը Ուիթքոֆին հարցրել է, թե արդյոք այնտեղ ընտրություններ կանցկացվեն․ «Այո, կանեն: Նրանք համաձայնել են դրան, Ուկրաինայում ընտրություններ են լինելու»։
Նա, սակայն, չի հստակեցրել, թե կոնկրետ ով է Կիևում ասել այդ մասին և երբ կարող է տեղի ունենալ քվեարկությունը։ Կիևը չի մեկնաբանել այս խոսքերը։
Հիշեցնենք, որ ս․թ․ փետրվարի 2-ին Վլադիմիր Պուտինը Զելենսկիին անվանել էր «պետության նախկին ղեկավար»։ Իսկ դեռևս հունվարի վերջին ՌԴ նախագահը հայտարարել էր Զելենսկու հետ հաշտության պայմանագիր կնքելուց հրաժարվելու մասին, քանի որ, Պուտինի կարծիքով, «իր ոչ լեգիտիմության պատճառով նա իրավունք չունի որևէ բան ստորագրել»։
Ուկրաինայի արտգործնախարար Անդրեյ Սիբիգան էլ փոխադարձաբար քննադատել էր ՌԴ նախագահին՝ ասելով. «Պուտինի մեկնաբանությունները Ուկրաինայի նախագահի լեգիտիմության մասին անհեթեթ են: Կրեմլում, իր քառորդ դարի ընթացքում, Ուկրաինան տեսել է երեք նախագահների արդար ընտրություններ»:
