08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայում ուսանողների և ոստիկանների միջև բախումներ են գրանցվել Ստամբուլի քաղաքապետի ձերբակալության դեմ բողոքի ակցիայի ժամանակ
Քաղաքականություն
20.03.2025 | 15:29
Թուրքիայի տարբեր համալսարանների ուսանողներ այսօր կրկին բողոքի ակցիաներ են անցկացնում Ստամբուլի ընդդիմադիր քաղաքապետ Էքրեմ Իմամօղլուի ձերբակալության դեմ։ Մասնավորապես, Էսքիշեհիր քաղաքում համանուն համալսարանի ուսանողները հաղթահարել են ոստիկանական շրջափակումը և երթով շարժվել դեպի Անադոլու համալսարան։
HalkTV-ի հաղորդմամբ՝ Էսքիշեհիրում բախումներ են տեղի ունեցել երթ նախաձեռնած համալսարանականների և ոստիկանների միջև։ Ոստիկանները բարիկադներ են կանգնեցրել և թույլ չեն տվել անցնել։ Դրան հաջորդած ծեծկռտուքն ավարտվել է փաստաբանների միջամտությամբ, և բարիկադը հանվել է։
Նախօրեին Իմամօղլուի ձերբակալությունից հետո բազմաթիվ բուհերում բողոքի ցույցեր են տեղի ունեցել։ Երեկ երթի դուրս եկած Ստամբուլի համալսարանի ուսանողների դեմ ոստիկանության միջամտությունը բուռն արձագանք էր առաջացրել։
Համալսարանականների երթերն անցկացվում են «Կգա օրը, իրավիճակը կփոխվի, ԱԶԿ-ն պատասխան կտա ժողովրդի առաջ» կոչերով։
Թարգմանությունը՝ Էմմա Չոբանյանի
