25.05.2026 | 10:59
Զովունիում առանձնապես խոշոր չափի թմրամիջոցի մաքսանենգության կասկածանքով երկու տղամարդ է ձերբակալվել․ ՆԳՆ
Ըստ Երջանկության համաշխարհային ինդեքսի՝ Հայաստանը տարածաշրջանի ամենաերջանիկ երկիրն է
Քաղաքականություն
20.03.2025 | 15:17
Ֆինլանդիան ութերորդ տարին անընդմեջ ճանաչվել է աշխարհի ամենաերջանիկ երկիրը՝ ըստ 2025 թվականի Երջանկության համաշխարհային զեկույցի։
Ամենաերջանիկ երկրների տասնյակում են նաև Շվեդիան, Նիդերլանդները, Կոստա Ռիկան, Նորվեգիան, Իսրայելը, Լյուքսեմբուրգը և Մեքսիկան։ ԱՄՆ-ը 24-րդ հորիզոնականում է, Ռուսաստանը՝ 72-րդ։ Ամենադժբախտ երկիրն Աֆղանստանն է։
Հայաստանը տարածաշրջանի ամենաերջանիկ երկիրն է․ զեկույցում այն 87-րդ տեղում է։ ՀՀ հարևաններից Վրաստանը 91-րդ հորիզոնականում է, Թուրքիան՝ 94-րդ, Իրանը՝ 99-րդ, Ադրբեջանը՝ 106-րդ։
Երկրների վարկանիշները հիմնված են այն պատասխանների վրա, որոնք մարդիկ տալիս են, երբ խնդրում են գնահատել իրենց կյանքը: Ուսումնասիրությունն իրականացվել է Gallup վերլուծական ընկերության և ՄԱԿ-ի Կայուն զարգացման լուծումների ցանցի հետ համատեղ:
Բոլոր երկրները դասակարգվել են ըստ իրենց կյանքի ինքնագնահատման՝ միջինացված 2022-ից 2024 թվականների համար։ Տնտեսագիտության, հոգեբանության, սոցիոլոգիայի և այլ ոլորտների փորձագետներն այնուհետև փորձել են բացատրել տարբերությունները երկրների միջև և ժամանակի ընթացքում՝ օգտագործելով այնպիսի գործոններ, ինչպիսին են մեկ շնչին ընկնող ՀՆԱ-ն, առողջ կյանքի տևողությունը, ինչ-որ մեկի վրա հույս դնելը, ազատության զգացումը, առատաձեռնությունը և կոռուպցիայի ընկալումը:
Թարգմանությունը՝ Էմմա Չոբանյանի
