08.09.2026 | 23:00
Հայաստանի մի շարք հասցեներում էլեկտրաէներգիայի անջատումներ կլինեն
Հայ-թուրքական սահմանը 10 օրով բացվում է մարդասիրական օգնության համար
20.03.2025 | 13:28
Մարտի 21-ից 31-ը՝ տասը օրով, կբացվի Թուրքիայի հետ սահմանի «Մարգարա» անցակետը մարդասիրական օգնություն տեղափոխելու համար։
Կառավարությունն այսօր չզեկուցվող նախագծով համապատասխան որոշում ընդունեց։
Նախագծի հիմնավորման բաժնում նշվում է, որ Հայաստանի Հանրապետության անունից Սիրիայի Արաբական Հանրապետություն պետք է մարդասիրական օգնություն ուղարկվի, որը նախատեսվում է իրականացնել Թուրքիայի տարածքով` ցամաքային ճանապարհով։ Այս պայմանավորվածությունը ձեռք է բերվել Հայաստանի և Սիրիայի համապատասխան գերատեսչությունների ներկայացուցիչների աշխատանքային հանդիպումների արդյունքում:
Հիշեցնենք՝ հայ-թուրքական սահմանի «Մարգարա» անցակետը բացվել էր նաև 2023 թվականին, երբ Թուրքիայում տեղի ունեցած երկրաշարժից հետո Երևանը Անկարա հումանիտար օգնություն էր ուղարկում։
Նշենք, որ Երևանն ու Անկարան պայմանավորվել են այս անցակետը բացել երրորդ երկրների քաղաքացիների և դիվանագիտական անձնագիր ունեցողների համար դեռևս 2022 թվականին, սակայն «Մարգարան» շարունակում է փակ մնալ։
