06.11.2026 | 09:32
«Ոչ միայն Ուկրաինան, այլև ամբողջ Եվրոպան»․ Թրամփը Պուտինի բանագնացի հետ հանդիպումից հետո «մեծ համաձայնագիր» է խոստանում
Ինձ թվում է՝ ապրիլի կեսերին Սյունիքում էկոպարեկները կանցնեն ծառայության․ Հակոբ Սիմիդյան․ ՏԵՍԱՆՅՈՒԹ
Տեսանյութեր
19.03.2025 | 17:07
ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նիստում քննարկվեց «Էկոպարեկային ծառայության մասին» օրենքում փոփոխություններ կատարելու մասին հարցը, ըստ որի՝ առաջարկվում է վերանայել էկոպարեկային ծառայության ծառայողի զոհվելու կամ հաշմանդամություն ունեցող անձ ճանաչվելու դեպքում տրամադրվող դրամական օգնության հետ կապված կարգավորումները:
ՇՄՆ նախարարի տեղակալ Արա Մկրտչյանն ասաց, որ փոփոխությամբ առաջարկվում է օրենքով ամրագրել էկոպարեկային ծառայողի սոցիալական երաշխիքները: Կառավարությունն առաջարկում է սոցիալական ապահովագրությունը փոխարինել դրամական փոխհատուցմամբ և սահմանել, որ էկոպարեկային ծառայողի՝ ծառայողական պարտականությունները կատարելու ընթացքում ծանր մարմնական վնասվածք ստանալու կամ մահվան դեպքերում տրվի դրամական փոխհատուցում: Առաջարկվում է նաև Կառավարությանը տալ փոխհատուցման վճարման կարգը սահմանելու լիազորություն: ՀՀ շրջակա միջավայրի նախարար Հակոբ Սիմիդյանը խոսեց էկոպարակային ծառայության ներդրման մասին։
Նա ասաց՝ «ինձ թվում է՝ ապրիլի կեսերին Սյունիքում էկոպարեկները կանցնեն ծառայության 24-ամյա ռեժիմով»։ Ի դեպ, նշենք, որ նիստի ժամանակ էկոպարեկայիn ծառայության ներդրման մասին պատգամավորների հարցերին պատասխանելիս նա ասաց, որ իր կարծիքով ծառայութունը ապրլին կներդրվի, մեկ այլ հատվածում էլ նշեց, որ էկոպարեկային ծառայությունը պետք է ապրիլի կեսերին ներդրվի Սյունիքում։
Մանրամասները՝ տեսանյութում։
