13.01.2026 | 12:38
Արման Ծառուկյան․ Կարծում եմ՝ իմ ու Չենդլերի մենամարտը մեծ աղմուկ կբարձրացնի
Թրամփը բացահայտել է, որ Պուտինի հետ վերջին շաբաթներին մի քանի անգամ զրուցել է
Քաղաքականություն
19.03.2025 | 17:45
ԱՄՆ նախագահ Դոնալդ Թրամփը հայտնել է, որ վերջին շաբաթներին մի քանի անգամ զրուցել է ՌԴ նախագահ Վլադիմիր Պուտինի հետ։ Այս մասին նա ասել է Washington Examiner-ին տված բացառիկ հարցազրույցում՝ նախօրեին Պուտինի հետ ավելի քան երկու ժամ տևած հեռախոսազրույցից անմիջապես հետո։
«Կարծում եմ՝ մենք կհասնենք գործարքի: Դա լավ սկիզբ է»,- ասել է Թրամփը։
Նա նաև բացահայտել է, որ երեքշաբթի Պուտինի հետ հեռախոսազրույցը երկու առաջնորդների միջև վերջին շաբաթների ընթացքում առաջին զրույցը չէր:
«Դա շատ լավ զանգ էր։ Կարծում եմ՝ սա լավ բանի սկիզբն է: Սկիզբն իրականում տեղի է ունեցել երեք-չորս շաբաթ առաջ։ Գիտեք՝ ես բազմիցս խոսել եմ Պուտինի հետ, ամեն ինչ այդ զանգով չի սկսվել։ Մենք այլ խոսակցություններ էլ ենք ունեցել»,-ասել է ԱՄՆ նախագահը։
Հարցին՝ արդյո՞ք այս խոսակցությունների մասին հրապարակային հաղորդվել է, Թրամփը պատասխանել է. «Ոչ, բայց դա դրական դինամիկայի շարունակությունն է։ Եթե դրական չլիներ, ես ձեզ կասեի»։
Թարգմանությունը՝ Էմմա Չոբանյանի
