13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Զելենսկին հայտնել է, որ այսօր հեռախոսազրույց կունենա Դոնալդ Թրամփի հետ
Քաղաքականություն
19.03.2025 | 15:45
Ուկրաինայի նախագահ Վլադիմիր Զելենսկին հայտնել է, որ այսօր՝ մարտի 19-ին, հեռախոսազրույց կունենա ԱՄՆ նախագահ Դոնալդ Թրամփի հետ։ ՌԲԿ Ուկրաինայի փոխանցմամբ՝ այս մասին նա ասել է Ֆինլանդիայի նախագահի հետ մամուլի ասուլիսում։
«Ես այսօր շփում կունենամ նախագահ Թրամփի հետ: Այսօր կքննարկենք մանրամասները, կարծում եմ՝ հաջորդ քայլերի մանրամասները: Մենք իսկապես լավ հանդիպում ունեցանք մեր թիմերի հետ: Կարծում եմ, որ ամեն ինչ ճիշտ կանցներ, եթե Ռուսաստանը չլիներ, որը միշտ դժգոհ է, երբ ինչ-որ բան ճիշտ է ընթանում»,- ասել է նա:
Զելենսկիի խոսքով՝ ինքն ու Թրամփը կքննարկեն Ուկրաինայի դեմ պատերազմի կարգավորման հետագա քայլերի մանրամասները։ Նա հավելել է՝ ակնկալում է Թրամփից լսել Պուտինի հետ զրույցի մանրամասները։
«Ես լսել եմ որոշ մանրամասներ [Թրամփի և Պուտինի բանակցությունների մասին]: Մեր թիմերը շփվել են երեկոյան և գիշերը, բայց ես կցանկանայի մանրամասների մասին խոսել, երբ ուղիղ երկխոսություն ունենամ Թրամփի հետ։ Մենք պատրաստ ենք մեր տեխնիկական թիմին ուղարկել հաջորդ քայլերի համար։ Երբ կկայանա այս հանդիպումը և ինչ ձևաչափով՝ ես կկարողանամ ասել մի փոքր ուշ»,- հայտարարել է Ուկրաինայի նախագահը։
Հիշեցնենք, որ ՌԴ-ի և ԱՄՆ նախագահների հեռախոսազրույցը տեղի է ունեցել նախօրեին։
Թարգմանությունը՝ Էմմա Չոբանյանի
