08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը Պուտինի հետ հեռախոսազրույցից առաջ հայտարարել է, որ խաղաղության համաձայնագրի «շատ տարրեր» արդեն համաձայնեցված են
Քաղաքականություն
18.03.2025 | 11:50
ԱՄՆ նախագահ Դոնալդ Թրամփն այսօր ՌԴ նախագահ Վլադիմիր Պուտինի հետ նախատեսված հեռախոսազրույցից առաջ հայտարարել է, որ Ուկրաինայի խաղաղության համաձայնագրի շատ տարրեր համաձայնեցվել են: Այս մասին նա հայտնել է Truth Social սոցցանցում գրառմամբ։
«Վաղն առավոտյան ես կխոսեմ նախագահ Պուտինի հետ Ուկրաինայի պատերազմի վերաբերյալ: Վերջնական համաձայնագրի շատ տարրեր համաձայնեցվել են, բայց դեռ շատ բան է մնացել: Հազարավոր երիտասարդ զինվորներ և այլ մարդիկ են սպանվում։ Ամեն շաբաթ երկու կողմից 2500 զինվոր է մահանում, և դա պետք է ավարտվի հիմա: Ես անհամբերությամբ սպասում եմ նախագահ Պուտինի հետ հեռախոսազրույցին»,- գրել է Թրամփը։
Ավելի վաղ ԱՄՆ նախագահն ու Կրեմլը հայտնել էին, որ Թրամփ-Պուտին հեռախոսազրույցը տեղի է ունենալու մարտի 18-ին։
Թարգմանությունը՝ Էմմա Չոբանյանի
