08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կրեմլը հաստատում է՝ Պուտինի և Թրամփի հեռախոսազրույցը տեղի կունենա մարտի 18-ին
Քաղաքականություն
17.03.2025 | 14:50
Ռուսաստանի և ԱՄՆ նախագահներ Վլադիմիր Պուտինի ու Դոնալդ Թրամփի հեռախոսազրույցը կարող է տեղի ունենալ երեքշաբթի։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է Ինտերֆաքսը։
«Այո, այդպես է։ Երեքշաբթի պատրաստվում է նման խոսակցություն»,- ասել է Պեսկովը։
Լրագրողների խնդրանքին՝ մեկնաբանել ԱՄՆ նախագահի խոսքերը Պուտինի հետ տարածքների և ատոմակայանների վերահսկողության հարցը քննարկելու և զրույցի նոր տարրեր բացահայտելու պլանների մասին, Պեսկովը պատասխանել է. «Մենք դա երբեք չենք անում, երբեք իրադարձություններից առաջ չենք ընկնում։ Խոսակցությունն իսկապես պատրաստվում է, բայց, մեր ընկալմամբ, երկու նախագահների զրույցը ենթակա չէ որևէ քննարկման։ Այնպես որ՝ մենք դա չենք անի»:
Հիշեցնենք՝ ԱՄՆ նախագահ Դոնալդ Թրամփը հայտարարել էր, որ ծրագրում է երեքշաբթի խոսել ՌԴ նախագահ Վլադիմիր Պուտինի հետ՝ քննարկելու Ուկրաինայում պատերազմի ավարտը Մոսկվայում ԱՄՆ-ի և Ռուսաստանի պաշտոնյաների միջև դրական բանակցություններից հետո։
Թարգմանությունը՝ Էմմա Չոբանյանի
