Տնտեսություն
17.03.2025 | 11:09«Աշխատում ենք զբոսայգու այն ուրվագիծը մշակելու ուղղությամբ, որի շրջանակում պետք է իրականացվի տվյալ հայեցակարգը»,- այս մասին Երևանի քաղաքապետարանի գործակարգավարական խորհրդակցությանն ասաց քաղաքաետի խորհրդական Սոնա Թևանյանը՝ անդրադառնալով «Հաղթանակ» զբոսայգու արդիականացման ծրագրին։
«Այդ նպատակով ուսումնասիրվում են տարածքում առկա գույքերը, դրանց կարգավիճակն ու պայմանագրերը։ Այս գույքագրումն ավարտելուց հետո կունենանք ամբողջական տեղեկատվություն այն ուրվագծի վերաբերյալ, որի շրջանակում հնարավոր կլինի իրականացնել հայեցակարգը»,- ասաց Թևանյանը։
Արձագանքելով խորհրդականի զեկույցին՝ Տիգրան Ավինյանը նշեց, որ զբոսայգու վերակառուցման և վերականգնման ծրագիրն իրենց առաջնահերթությունների ցանկում է։
««Հաղթանակ» զբոսայգին շատ երկար տարիներ է՝ ոչ այնքան բարվոք վիճակում է, և մեզ պետք է ստանալ ամբողջական, նորարարական առաջարկներ, որոնք պետք է ընտրվեն մրցութային կարգով»,- ընդծեց Ավինյանը՝ հավելելով, որ գույքագրման ամփոփումը պետք է իրականացնել երկու շաբաթվա ընթացքում և զեկուցել։
Մանրամասները՝ տեսանյութում։
