22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Թուրքիայում Իրանի օգտին լրտեսության մեջ կասկածվողներ են ձերբակալվել
Քաղաքականություն
14.03.2025 | 22:14
Թուրքիայի անվտանգության ծառայությունները երեք նահանգներում գործողության ընթացքում ձերբակալել են հինգ անձի, որոնք կասկածվում են Իրանի օգտին լրտեսության մեջ, գրում է Turkiye today-ը։
Թուրքիայի Ազգային հետախուզական կազմակերպության (MIT) և Ստամբուլի գլխավոր դատախազության կողմից համատեղ իրականացված գործողությունը հանգեցրել է ձերբակալությունների Ստամբուլում, Անթալիայում և Մերսինում՝ ենթադրյալ լրտեսական գործունեության լայնածավալ հետաքննության արդյունքում:
Կասկածյալները մեղադրվում են թուրքական ռազմակայանների և ռազմավարական կարևոր այլ օբյեկտների, ինչպես նաև արտերկրում կարևոր վայրերի մասին գաղտնի տեղեկություններ հավաքելու մեջ, որոնք նրանք, իբր, փոխանցել են Իրանի հետախուզական ծառայություններին:
Ըստ թուրքական լրատվամիջոցների՝ Իրանի Իսլամական հեղափոխության պահապանների կորպուսի հետ կապված որոշ անձինք լրտեսական գործունեություն են ծավալել Թուրքիայում։
Թարգմանությունը՝ Էմմա Չոբանյանի
