08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ն համաձայն է ռազմական գործողությունները դադարեցնելու առաջարկներին. Պուտին
13.03.2025 | 19:58
Ռուսաստանի նախագահ Վլադիմիր Պուտինը հայտարարել է, որ համաձայն է Ուկրաինայում ռազմական գործողությունները դադարեցնելու ԱՄՆ-ի առաջարկին:
«Մենք համաձայն ենք ռազմական գործողությունները դադարեցնելու առաջարկներին», – «ՌԻԱ Նովոստի»-ի փոխանցմամբ՝ ասել է Ռուսաստանի ղեկավարը Բելառուսի նախագահ Ալեքսանդր Լուկաշենկոյի հետ բանակցություններից հետո կայացած մամուլի ասուլիսում:
Պուտինն ընդգծել է, որ այդ առաջարկն ընդունվում է միայն այն դեպքում, եթե այդ քայլը հանգեցնում է երկարաժամկետ խաղաղության:
«Այդ դադարեցումը պետք է լինի այնպիսին, որ կհանգեցնի երկարատև խաղաղության և կվերացնի այս ճգնաժամի սկզբնական պատճառները», – հավելել է Պուտինը:
Նախօրեին տեղեկացրել էինք, որ Ուկրաինան համաձայնել է իր ամբողջ տարածքում 30-օրյա հրադադարի մասին ԱՄՆ առաջարկին։ Զելենսկու խոսքերով՝ այս որոշումը կայացվել է՝ ցույց տալու համար, որ Ուկրաինան պատրաստ է խաղաղության։
