25.05.2026 | 13:14
Փաշինյանին էլ են օտարներն աջակցում, վատ եմ գնահատում Ռուբիոյի այցը․ Թաթոյան․ ՏԵՍԱՆՅՈՒԹ
Էրդողանը հայտարարել է, որ պատրաստ է ընդունել Օջալանի հետ հանդիպած քրդական կուսակցության անդամներին
Քաղաքականություն
12.03.2025 | 20:13
Թուրքիայի նախագահ Ռեջեփ Թայիփ Էրդողանը հայտարարել է, որ պատրաստ է ընդունել «Ժողովուրդների հավասարություն և ժողովրդավարություն» կուսակցության (DEM) պատվիրակությանը, որը հանդիպել է Իմրալի կղզում բանտարկված PKK-ի առաջնորդ Աբդուլլահ Օջալանի հետ։
«Եթե հանդիպում խնդրեն, ես այն կտամ»,- իշխող «Արդարության և զարգացում» կուսակցության խորհրդարանական խմբի նիստից հետո լրագրողների հարցին ի պատասխան՝ ասել է Էրդողանը։
Այս հայտարարությունից հետո քրդամետ կուսակցության անդամ Ահմեդ Թյուրքը, որը տեսակցել է Օջալանին, ասել է, որ ցանկանում են հանդիպել Էրդողանին։
«Իհարկե, պարոն նախագահն այս երկրի ղեկավարն է։ Մենք կցանկանայինք հանդիպել նրա հետ և փոխանցել մեր պատկերացումներն այս հարցի լուծման վերաբերյալ։ Պարոն նախագահի հետ հանդիպումը շահավետ կլիներ։ Նրա գաղափարները լսում ենք նաև անմիջապես նրանից։ Դեռ տեսակցության հարցում չի եղել, բայց կարծում եմ՝ մեր ընկերներն այս հարցով դիմում կներկայացնեն»,- ասել է նա։
Հիշեցնենք, որ ավելի վաղ Օջալանը կոչ էր արել PKK-ին վայր դնել զենքերը և ինքնալուծարվել։
Թարգմանությունը՝ Էմմա Չոբանյանի
