08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ ՊՆ-ն հայտնում է Կուրսկի շրջանի 12 բնակավայր վերահսկողության տակ վերցնելու մասին
Քաղաքականություն
11.03.2025 | 14:28
Հարձակողական գործողությունների ընթացքում ռուսական «Հյուսիս» զորախմբի ստորաբաժանումները վերահսկողության տակ են վերցրել Կուրսկի շրջանի 12 բնակավայրեր, որոնք օկուպացված էին Ուկրաինայի զինված ուժերի կողմից։ Այս մասին հայտարարել է ՌԴ ՊՆ-ն, փոխանցում է Meduza-ն։
Նշվում է, որ խոսքը Ագրոնոմ, Բոգդանովկա, Բոնդարևկա, Դմիտրյուկով, Զազուլևկա, Իվաշկովսկի, Կոլմակով, Կուբատկին, Մարտինովկա, Միխայլովկա, Պրավդա, Յուժնի բնակավայրերի մասին է։
ՌԴ ռազմական գերատեսչության տվյալներով՝ ռուսական զորքերը Կուրսկի շրջանում գրավել են ավելի քան 100 քառակուսի կիլոմետր տարածք։
«Հյուսիս» խմբավորումը մարտի 10-ի երեկոյան էր հայտնել, որ ռուս զինվորականները վերահսկողության տակ են վերցրել Կոլմակով, Բոնդարևկա և Մարտինովկա բնակավայրերը։ Մարտի սկզբից ռուս զինվորականները գրոհում են Ուկրաինայի զինված ուժերի դիրքերը Կուրսկի շրջանում։ Ըստ հաղորդումների՝ մարտի 8-9-ը ռուսական բանակը վերահսկողության տակ է վերցրել յոթ բնակավայր։
Հիշեցնենք, որ նախօրեին Ուկրաինանի ԶՈՒ գլխավոր հրամանատար Ալեքսանդր Սիրսկին հայտարարել էր, որ Կուրսկի շրջանում ուկրիանական ուժերի շրջափակման վտանգ չկա։
Թարգմանությունը՝ Էմմա Չոբանյանի
