17.07.2026 | 18:21
Թուրքիայի մաքսային ծառայությունը ներդրել է Հայաստանի պաշտոնական՝ «077» կոդը
Կուրսկի շրջանում Ուկրաինայի զինված ուժերի շրջափակման վտանգ չկա. Սիրսկի
Քաղաքականություն
10.03.2025 | 22:09
ՌԴ Կուրսկի մարզի՝ ուկրաինական Սումիի մարզի հետ սահմանին իրավիճակը Ուկրաինայի պաշտպանության ուժերի վերահսկողության տակ է։ Այս մասին հայտարարել է Ուկրաինայի զինված ուժերի գլխավոր հրամանատար, գեներալ Ալեքսանդր Սիրսկին, գրում է Ինտերֆաքս-Ուկրաինան։
«Ներկայում Կուրսկի շրջանում մեր ստորաբաժանումների շրջափակման վտանգ չկա: Ստորաբաժանումները ժամանակին միջոցներ են ձեռնարկում պաշտպանական շահավետ գծերի վրա մանևրելու համար»,- նշել է նա՝ հավելելով, որ սահմանային գծի երկայնքով մի շարք բնակավայրեր, «որոնց անունները հայտնվում են ռուսների զեկույցներում, իրականում գոյություն չունեն, դրանք ավերվել են ագրեսորի կրակից»։
Ըստ նրա՝ չնայած հյուսիսկորեական հետևակով ուժեղացված հարձակմանը ռուսական զորքերի զգալի թվի ներգրավմանը՝ հակառակորդը կենդանի ուժի և տեխնիկայի զգալի կորուստներ է կրում։ Միայն Պլեխովոյեի շրջանում քառօրյա մարտերի ընթացքում հակառակորդը փաստացիորեն կորցրել է հետևակի գումարտակը։
Սիրսկին ընդգծել է, որ «հակառակորդի առանձին դիվերսիոն-հետախուզական խմբերը և փոքր հետևակային խմբերը, որոնք փորձում են ներթափանցել Ուկրաինայի տարածք, ոչնչացվում են զորքերի կրակային հզորությամբ՝ նախապես ստեղծված պաշտպանական համակարգի շնորհիվ»։
Նա նաև տեղեկացրել է, որ տեղում որոշում է կայացրել ուժեղացնել ուկրաինական խմբավորումն անհրաժեշտ ուժերով և միջոցներով, մասնավորապես, ռադիոէլեկտրոնային պայքարի միջոցներով և անօդաչու բաղադրիչով։
Հաղորդվել էր, որ մարտի 5-6-ը ռուսական բանակը ճեղքել է ուկրաինական պաշտպանական գիծը Սուջայից հարավ և վտանգավոր կերպով մոտեցել Ուկրաինայի զինված ուժերի խմբավորման մատակարարման հիմնական ուղուն։ Նախօրեին էլ ռուսական լրատվամիջոցները հայտնել էին Սուջայի ուղղությամբ ռուսական բանակի զգալի առաջխաղացման և մի շարք բնակեցված տարածքների գրավման մասին։
Թարգմանությունը՝ Էմմա Չոբանյանի
