25.06.2026 | 14:41
Կարմիր լույսի տակ չեմ կանգնելու, անվտանգային նկատառում կա. Փաշինյան․ ՏԵՍԱՆՅՈՒԹ
Խնդրենք, խոսենք, 5, 10, 40, 50 անգամ նորից խնդրենք. Փաշինյանը` դեղատոմս դուրս չգրող բժիշկների մասին․ ՏԵՍԱՆՅՈՒԹ
Տեսանյութեր
05.03.2025 | 17:41
ԱԺ-Կառավարություն հարցուպատասխանի ժամանակ առողջապահության հարցերի խորհրդարանական հանձնաժողովի նախագահ Արսեն Թորոսյանը տեղեկացրեց, որ վերջին օրերին մի շարք ահազանգեր է ստացել դեղերի վրա դրոշմապիտակների բացակայության մասին։
ՔՊ-ական պատգամավորը կառավարության անդամներից հետաքրքրվեց՝ այս հարցն ինչպե՞ս պետք է լուծվի։
Արսեն Թորոսյանի բարձրացրած հարցին պատասխանեց վարչապետ Նիկոլ Փաշինյանը։ Նա նշեց՝ Թորոսյանն այդ հարցով իրեն էլեկտրոնային նամակ արդեն ուղարկել է, ինքն էլ այն հասցեագրել է Պետական եկամուտների կոմիտեին։ Վարչապետի փոխանցմամբ՝ ՊԵԿ նախագահը վստահեցրել է, որ հարցը լուծված է։
Առողջապահության ոլորտի վերաբերյալ Թորոսյանի հաջորդ հարցը վերաբերում էր էլեկտրոնային դեղատոմսերով դեղերի դուրս չգրելուն։
«Դեկտեմբերին դեղատների տնօրեններն այդ մասին նամակ էին գրել։ Այդ նամակն ուղարկել եմ առողջապահության նախարարին։ Մենք արձանագրել ենք, որ կան խնդիրներ, այդ բարեփոխումները հանդիպելու են պրոբլեմների։ Ես հանձնարարել եմ, որ առողջապահության նախարարն արձանագրի՝ բժիշկներն են, որ այդպես են վարվում՝ էլեկտրոնային դեղատոմս դուրս չեն գրում։ Խնդրենք, համոզենք, նորից համոզենք։ 5, 10, 40, 50 անգամ նորից խնդրենք, 51-րդ անգամ արդեն միջոց ձեռնարկենք»,- նշեց Փաշինյանը։
Մանրամասները՝ տեսանյութում։
