06.10.2026 | 12:00
«Արա, ա՛յ տղա», «Արայով չխոսաս». վեճի կիզակետում ՔՊ-ից Բաքոյանն ու Գյուլնազարյանն են և «Ուժեղ Հայաստանի» փորձագետը․ ՏԵՍԱՆՅՈՒԹ
Ադրբեջանի կառավարությանը քննադատող բլոգերը դատապարտվել է 7 տարվա ազատազրկման
Քաղաքականություն
03.03.2025 | 22:03
Ադրբեջանի կառավարությանը քննադատող բլոգեր Արզու Սայադօղլուն դատապարտվել է 7 տարվա ազատազրկման։ Նման վճիռ է կայացրել Գյանջայի ծանր հանցագործությունների դատարանը։ Ադրբեջանական լրատվամիջոցների հաղորդմամբ՝ պաշտպանական կողմը բողոքարկելու է այն։
Սայադօղլուն մեղավոր է ճանաչվել Քրեական օրենսգրքի 182.2.4 հոդվածով (շորթում սպառնալիքի կամ ահաբեկման միջոցով, որը կատարվել է խոշոր չափի գույք ձեռք բերելու նպատակով):
Բլոգերը, սակայն, իրեն մեղավոր չի համարում և ընդգծում է, որ իրեն ձերբակալել են քաղաքական պատվերով։
Նա YouTube-ում վարում է «Արզու Սայադօղլու» ալիքը՝ սուր քննադատության ենթարկելով երկրում ստեղծված քաղաքական իրավիճակը և պաշտոնյաների կամայականությունները։
Սայադօղլուն վերջին անգամ հանդես է եկել Azad söz ալիքով՝ կոչ անելով քաղաքացիներին չլռել և խաղաղ բողոքի ցույցեր կազմակերպել։ Դրանից հետո բլոգերն անհետացել էր։ Վերջերս էլ նա հայտարարել էր «Հանրային ծառայության շարժման» ստեղծման մասին։
Թարգմանությունը՝ Էմմա Չոբանյանի
