08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ուկրաինայի օգտակար հանածոների վերաբերյալ համաձայնագիրը պատրաստ է․ երկրների նախագահները կստորագրեն այն․ ԱՄՆ ֆինանսների նախարար
Քաղաքականություն
28.02.2025 | 13:25
Տնտեսական համագործակցության մասին ամերիկա-ուկրաինական համաձայնագիրն ամբողջությամբ պատրաստ է, այս հարցի շուրջ բանակցություններ այլևս չեն լինի: Այս մասին Fox News-ի եթերում հայտարարել է ԱՄՆ ֆինանսների նախարար Սքոթ Բեսենթը, փոխանցում է DW-ի ռուսական ծառայությունը։
Նա նշել է, որ համաձայնագիրը ստորագրելու են Վաշինգտոնում երկու երկրների նախագահները՝ Դոնալդ Թրամփն ու Վլադիմիր Զելենսկին։
«Սա գործարք է ռազմավարական նշանակություն ունեցող օգտակար հանածոների, նավթի, գազի և ենթակառուցվածքային ակտիվների վերաբերյալ: Եվ դա իսկապես շահեկան է երկու կողմերի համար։ Դա ցույց է տալիս ամերիկացի ժողովրդին, որ այստեղ նրա համար շահ կա, որ մենք իզուր փողերը չենք վատնել»,- ընդգծել է Բեսենթը։
Զելենսկին փետրվարի 26-ի երեկոյան իր տեսաուղերձում հաստատել է, որ թռչում է Վաշինգտոն՝ համաձայնագիրը ստորագրելու, ինչպես ասել էր Թրամփը։
«Մեր թիմերն աշխատում են Ամերիկայի հետ, մենք պատրաստվում ենք բանակցությունների այս ուրբաթ: Գործարք Ամերիկայի հետ: Աջակցություն մեր պետությանն ու ժողովրդին: Խաղաղության և անվտանգության երաշխիքները նրա բանալին են, որ Ռուսաստանն այլևս չկործանի այլ ժողովուրդների կյանքը»,- ասել է Ուկրաինայի նախագահը:
Նախօրեին էլ ԱՄՆ նախագահ Դոլանդ Թրամփը հաստատել է, որ այսօր Զելենսկիի հետ Վաշինգտոնում ստորագրելու են համաձայնագիրը։
Թարգմանությունը՝ Էմմա Չոբանյանի
