30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Թուրքիայում PKK-ին անդամակցության կասկածանքով 282 մարդ է ձերբակալվել, այդ թվում՝ ընդդիմադիր գործիչներ
Քաղաքականություն
18.02.2025 | 23:28
Թուրքական ոստիկանությունը ձերբակալել է Քուրդիստանի աշխատավորական կուսակցության (PKK) 282 ենթադրյալ անդամի վերջին հինգ օրվա ընթացքում իրականացված ռեյդերի ընթացքում։ Այս մասին հայտարարել է Թուրքիայի ներքին գործերի նախարար Ալի Երլիքայան, գրում է Reuters-ը։
Ոստիկանական շրջայցերը տեղի են ունեցել այն իրադարձությունների ֆոնին, երբ Թուրքիան շարունակում է քրդամետ ընտրված քաղաքապետերին հեռացնել իրենց պաշտոններից՝ զինյալների հետ կապերի մեղադրանքով, ինչը համընկնում է PKK-ի և իշխանությունների միջև 40-ամյա հակամարտությունը դադարեցնելու հույսերի հետ: Սպասվում է, որ PKK-ի բանտարկված առաջնորդ Աբդուլլահ Օջալանը հայտարարություն կանի նման ջանքերի մասին՝ չորս ամիս անց այն բանից հետո, երբ նախագահ Թայիփ Էրդողանի դաշնակիցը նրան հորդորեց զինյալներին կոչ անել վայր դնել զենքերը:
Նախարարը նշել է, թե «ոստիկանությունն այս շաբաթվա հակաահաբեկչական գործողություններն իրականացրել է 51 նահանգներում, ինչպես նաև մայրաքաղաք Անկարայում և Ստամբուլում»։
Կասկածյալները մեղադրվում են PKK-ի քարոզչություն իրականացնելու, դրա ֆինանսավորման, անդամներ հավաքագրելու և փողոցային բողոքի ցույցերին միանալու համար։ Ոստիկանությունը, ի թիվս այլ զինատեսակների, առգրավել է երկու AK-47 ինքնաձիգ։
Թարգմանությունը՝ Էմմա Չոբանյանի
