02.11.2024 | 14:03
ՀՀ ոստիկանությունը քաղաքական պատվեր է կատարում․ Հ․ Ավետիսյանը դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹԵՐ
Ինչու են ավարտական վկայականները ռուսերենով. ԿԳՆ-ն ոտնահարո՞ւմ է լեզվի մասին օրենքը, թե՞ թեթևացնում միգրանտների ֆինանսական բեռը
Հասարակություն
13.07.2017 | 18:27
Կրթության և գիտության նախարարության կողմից տարիներ շարունակ դպրոցի շրջանավարտների ավարտական վկայակակնները տրվում են ոչ միայն հայոց, այլև ռուսաց լեզվով։ Այն, որ խորհրդային տարիներին ավարտական վկայականները տրվում էին նաև ռուսաց լեզվով, հասկանալի է, իսկ թե ինչու է անկախ Հայաստանում այս ավանդույթը պահպանվել , հասկանալի չէ: Կրթության և գիտության նախարար Լևոն Մկրտչյանը, սակայն, նշում է, որ դա հատուկ նպատակ ունի:
Կառավարության նիստից հետո պատասխանելով Factor.am-ի հարցին՝ նախարարն ուշագրավ հիմնավորում ներկայացրեց: «Մեր երեխաների զգալի մասը մեկնում է Ռուսաստան արտագնա աշխատանքի և ատեստատն իրենց պետք է»,- պարզաբանեց նախարարը՝ ավելացնելով՝ նպատակն այն է, որ Ռուսաստան մեկնողները ավարտական վկայականները չտան թարգմանության՝ խուսափելով լրացուցիչ ֆինանսական բեռից:
Մանրամասները՝ տեսանյութում:
Շողիկ Գալստյան
