28.10.2026 | 14:26
Իսպանիայում արագընթաց գնացքների բախման հետևանքով առնվազն 46 մարդ է զոհվել
Հրաձգության Հայաստանի հավաքականը 4-րդն է Եվրոպայի առաջնության մեդալային հաշվարկում
05.03.2026 | 22:25
Հայաստանի հրաձգության հավաքականը Եվրոպայի առաջնության մեդալային հաշվարկում 4-րդն է։ Հայ մարզիկները նվաճել են ընդհանուր առմամբ 13 մեդալ՝ 4 ոսկե, 8 արծաթե և 1 բրոնզե։ Այս մասին տեղեկացնում են Հայաստանի հրաձգության ֆեդերացիայից։
Շարժվող թիրախ մրցաձևի մեծահասակների պայքարում Եվրոպայի չեմպիոն է հռչակվել Լիլիթ Մկրտչյանը։ Թիմային մրցաձևի տղամարդկանց պայքարում Հովհաննես Մարգարյանը, Գոռ Խաչատրյանը և Հայկ Մինասյանը նույնպես արժանացել են ոսկե մեդալի։ Արծաթե մեդալներ են իրենց հաշվին գրանցել՝ Էլմիրա Կարապետյանը ատրճանակ սոլո մրցաձևում,Գոհար Հարությունյանը՝ անհատական պայքարում (երկու արծաթե մեդալ), ինչպես նաև Լիլիթ Մկրտչյանն ու Հայկ Մինասյանը՝ միքս մրցաձևում։ Բացի այդ, Լիլիթ Մկրտչյանը, Գոհար Հարությունյանը և Արյուսակ Գրիգորյանը թիմային պայքարում նվաճել են կրկնակի արծաթե մեդալ։
Օդամղիչ ատրճանակի տղամարդկանց եռյակ (տրիո) մրցաձևում Բենիկ Խլղաթյանը, Գևորգ Մելքոնյանը և Զավեն Իգիթյանը դարձել են բրոնզե մեդալակիրներ։
Երիտասարդների պայքարում ևս հաջող են հանդես եկել հայ մարզիկները։ Լիլիթ Մկրտչյանը ճանաչվել է Եվրոպայի առաջնության կրկնակի հաղթող՝ նվաճելով երկու ոսկե մեդալ։ Արծաթե մեդալների են արժանացել նաև Անահիտ Սարգսյանը և Յանա Հակոբյանը։
