Հիմնը զոհվելու տեսարանով է ավարտվում, և ծափ ենք տալիս․ դա դիսկոմֆորտ է առաջացնում․ վարչապետ. ՏԵՍԱՆՅՈՒԹ

«Խնդիրը իմ մեջ է, բայց ոչ միայն անձամբ իմ։ Այո՛, խնդիրը մեր մեջ է և մեր աշխարհընկալման։ Խնդիրը նաև Ձեր մեջ է։ Իմ մեջի խնդիրը արտահայտված է նաև բոլորի մեջ, որովհետև ես օդից չեմ ընկել»,- այս մասին հրավիրված ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով հարցին՝ ինչո՞ւ են անընդհատ վերացական բաների մեջ փնտրում խնդիրը, այլ ոչ իրենց։

Անդրադառնալով «Իրական Հայաստան – Պատմական Հայաստան» դիսկուրսին՝ կառավարության ղեկավարն ընդգծեց, որ «Իրական Հայաստանը» մեր մտածողության մեջ որպես բազիս, որպես «մեր գործողությունների ալֆա և օմեգա երբեք չի եղել»։

«Այդ պրոբլեմի հետ ենք առնչվում, այդ բոլորիս պրոբլեմը կուտակվում է իմ մեջ և, հետևաբար, այդ պրոբլեմը, որ իմ մեջ է, բոլորինս է։ Որպես դրա թիվ մեկ մեկ պատասխանատվություն կրող անձ ասել եմ՝ ինչ պետք է անենք այդ խնդրի հետ և հանգել եմ այն եզրակացության, որ մենք պետք է որդեգրենք պատմական և իրական Հայաստանի ընտրանքի մեջ պետք է որդեգրենք «Իրական Հայաստանը», որպես Հայաստանի պետական ռազմավարություն՝ այսօր, վաղը և ընդմիշտ։ Դա է միակ տարբերակը»,- շեշտեց վարչապետը։

Ինչ վերաբերում է տարբեր սոցհարցումների տվյալներին, թե իշխանության վարկանիշը նվազում է, Փաշինյանը հետևյալ կերպ արձագանքեց․ «Քաղաքականությունն այնպիսի բան է, որ վարկանիշը նվազում է, աճում է, երբեմն նվազում է ու էլ չի աճում, երբեմն էլ աճում է, էլ երբեք չի նվազում»։

Ասուլիսի ժամանակ հարց հնչեց նաև ՀՀ օրենքի փոփոխության մասին, որի վերաբերյալ էլ կառավարության ղեկավարը պատասխանեց, որ հիմնը զոհվելու տեսարանով էր ավարտվում, և չգիտես ծափ տաս, թե՝ չէ։

Մանրամասները՝ տեսանյութում։