30.04.2026 | 10:46
Պուտինը և Թրամփը հեռախոսազրույցում քննարկել են Հաղթանակի օրը Ուկրաինայում հրադադարի հաստատումը
Ադրբեջանը, Թուրքիան և Ուզբեկստանը պայմանավորվել են աջակցել միմյանց՝ ինքնիշխանությունը, տարածքային ամբողջականությունը խաթարող քայլերի դեմ
Քաղաքականություն
29.01.2025 | 20:44
Անկարայում Ադրբեջանի, Թուրքիայի և Ուզբեկստանի արտաքին գործերի, էկոնոմիկայի, առևտրի և տրանսպորտի նախարարների 2-րդ հանդիպման արդյունքներով ամփոփիչ հռչակագիր է ստորագրվել։ Ադրբեջանի ԱԳՆ-ն ներկայացրել է փաստաթղթի մասնամասները։
Ըստ տեղեկատվության՝ հռչակագիրը ներառում է գործողությունների համապարփակ ծրագիր, որն ուղղված է տրանսպորտի և տարածաշրջանային հաղորդակցության ոլորտում համագործակցության ամրապնդմանը։
Փաստաթղթի համաձայն՝ երկրները, մասնավորապես, հաստատում են փոխադարձ հետաքրքրություն ներկայացնող տարածաշրջանային և միջազգային հարցերի շուրջ համագործակցության ընդլայնման իրենց հանձնառությունը; պարտավորվում են աջակցել միմյանց ինքնիշխանությունը և տարածքային ամբողջականությունը խաթարելու փորձերի դեմ համատեղ գործողություններին; պարտավորում են լիովին բացել ներուժը առանցքային ոլորտներում, ներառյալ՝ տնտեսությունը, առևտուրը, ներդրումները, լոգիստիկան, ենթակառուցվածքները, թվայնացումը, շրջակա միջավայրը և կլիմայի փոփոխությունը; կոչ են անում բարձրացնել Միջին միջանցքի արդյունավետությունն ու մրցունակությունը; աջակցում են Ադրբեջանի ջանքերին՝ վերականգնելու և ականազերծելու «օկուպացիայից ազատագրված Ղարաբաղը և Արևելյան Զանգեզուրը»; ողջունում են Ադրբեջանի նախագահությունը COP29-ում և Ասիայում փոխգործակցության ու վստահության ամրապնդման միջոցառումների կոնֆերանսում; ընդգծում են Աֆղանստանի անվտանգության և զարգացման հարցում Թյուրքական պետությունների կազմակերպության շրջանակում միասնական մոտեցման կարևորությունը; ողջունում են Գազայում հրադադարը և դրա խստիվ իրականացման կոչ են անում; աջակցում են իսրայելա-պաղեստինյան հակամարտությունը երկու պետությունների ձևաչափով լուծելուն:
Թարգմանությունը՝ Էմմա Չոբանյանի
