20.02.2026 | 11:28
Պատվիրե՛ք IDBank-ի Arca Classic քարտ և օգտվե՛ք մինչև 2% հետվճարի հնարավորությունից
Դատավորը կասեցրել է Թրամփի հրամանագիրը ծննդյան իրավունքով քաղաքացիությունը սահմանափակելու մասին
Քաղաքականություն
23.01.2025 | 23:03
Սիեթլում դաշնային դատավորը կասեցրել է ԱՄՆ նախագահ Դոնալդ Թրամփի հրամանագրի գործողությունը, ըստ որի՝ սահմանափակվում էր ծննդյան իրավունքով երկրի քաղաքացիության իրավունքը, փոխանցում է BBC-ի ռուսական ծառայությունը։
Թրամփի կողմից հունվարի 20-ին՝ պաշտոնը ստանձնելուց հետո առաջին իսկ օրը ստորագրված հրամանագիրը սահմանադրական դրույթի նոր մեկնաբանություն է առաջարկում, որ ԱՄՆ տարածքում ծնված բոլոր երեխաները ինքնաբերաբար դառնում են երկրի քաղաքացիներ: Նրա վարչակազմը կարծում է, որ այդ նորմը չպետք է վերաբերվի օտարերկրացիների երեխաներին, որոնք երկրում գտնվում են անօրինական կամ նույնիսկ օրինական, բայց ժամանակավոր հիմունքներով:
Այս նոր քաղաքականության քննադատները նշում են, որ այն հակասում է ինչպես 1868 թվականին ընդունված սահմանադրական փոփոխությանը, այնպես էլ ավելի քան 100 տարի ամերիկյան դատարանների կողմից դրա մեկնաբանման պատմությանը: Մի քանի քաղաքների և Նահանգների իրավապաշտպան կազմակերպություններ և կառավարություններ, որոնցում գերակշռում են դեմոկրատները, մի քանի հայց են ներկայացրել դաշնային դատարաններ:
Դրանցից առաջինը քննել է դատավոր Ջոն Քոֆենուրը Սիեթլում։ Ինչպես հաղորդում է BBC-ն, նիստը տևել է ոչ ավելի, քան 25 րոպե:
Դատավորը ժամանակավորապես կասեցրել է հրամանագրի գործողությունը, որը պետք է ուժի մեջ մտներ փետրվարի 19-ից՝ նկատելով, որ այն «ակնհայտորեն հակասահմանադրական է»:
Վարչակազմը հնարավորություն կունենա այս որոշումը վիճարկել ավելի բարձր ատյանի դատարաններում։
