11.05.2025 | 21:23
«Ես Պուտինին կսպասեմ հինգշաբթի օրը՝ Թուրքիայում»․ Վլադիմիր Զելենսկի
ԱՄՆ 22 նահանգ հայց է ներկայացրել Թրամփի հրամանի դեմ, որը նախատեսում է ծնունդով ԱՄՆ քաղաքացիության իրավունքի չեղարկում
Քաղաքականություն
22.01.2025 | 17:18
ԱՄՆ 22 նահանգների, ինչպես նաև Սան Ֆրանցիսկո քաղաքի և Կոլումբիայի շրջանի գլխավոր դատախազները հայցեր են ներկայացրել՝ փորձելով արգելափակել նախագահ Դոնալդ Թրամփի՝ ծննդյան իրավունքով քաղաքացիության սահմանափակման վերաբերյալ հրամանը, հաղորդում է AP-ն:
Երդմնակալության օրը նորընտիր նախագահը հանձնարարել է ԱՄՆ կառավարական մարմիններին այլևս քաղաքացիության փաստաթղթեր չտրամադրել Միացյալ Նահանգներում ծնված երեխաներին, եթե ծնողներն օրինական կարգավիճակ չունեն: Հրամանը, որը վերաբերում է դրա ընդունումից հետո 30 օրվա ընթացքում ծնված երեխաներին, կիրառվում է այն դեպքերում, երբ ծնողները գտնվում են ԱՄՆ-ում անօրինական կերպով, ինչպես նաև այն իրավիճակներում, երբ մայրը ժամանակավորապես գտնվում է Միացյալ Նահանգներում, օրինակ՝ վիզայով, իսկ հայրը քաղաքացի չէ:
ԱՄՆ քաղաքացիության իրավունքը բոլոր նրանց համար, ովքեր ծնվել են ԱՄՆ հողում, ամրագրված է ԱՄՆ Սահմանադրության 14-րդ ուղղումով:
«Նախագահը չի կարող գրչի մի հարվածով չեղյալ հայտարարել 14-րդ ուղղման գոյությունը։ Վերջակետ»,- հայտարարել է Նյու Ջերսիի գլխավոր դատախազ Մեթ Պլատկինը։
Թարգմանությունը՝ Տաթև Ֆռանգյանի
