Ալեքսանդր Սիրունյանի թեկնածությանը բացասական եզրակացություն է տրվել․ ՔՊ-ում դեռ որոշում չկա՝ ինչպես են քվեարկելու

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

ԱԺ իշխող ՔՊ խմբակցությունն այսօր չիրականացրեց Ալեքսանդր Սիրունյանին ԲԴԽ անդամի պաշտոնում ընտրելու քվեարկությունը։ Հաշվիչ հանձնախմբի նախագահ, ՔՊ խմբակցության պատգամավոր Նարեկ Բաբայանը Factor.am-ին փոխանցեց, որ հարցի քվեարկությունը նախատեսվում է անցկացնել վաղը։

Տեղեկություններ կան, որ Սիրունյանի թեկնածությանը բոլոր ՔՊ-ականները չէ, որ համաձայն են։ ԱԺ-ում իշխանական պատգամավորները խուսափում էին ասել՝ արդյո՞ք խմբակցության անդամներին ներկայացվել է կուսակցության քաղաքական դիրքորոշումը, թե ինչպես պետք է քվեարկել Սիրունյանի թեկնածությանը։

ԱԺ նախագահ Ալեն Սիմոնյանն, օրինակ, այսօր հայտարարեց, որ իր դիրքորոշումը չի կարող տարբերվել խմբակցության դիրքորոշումից՝ չհստակեցնելով, թե որն է ՔՊ-ի դիրքորոշումը։

«Իմ դիրքորոշումը չի կարող տարբերվել խմբակցության դիրքորոշումից։ Այսօրվա մեջ կամ վաղը խմբակցության դիրքորոշումը հայտնի կլինի»,- ասաց ԱԺ նախագահը։

Ուշագրավ է, որ իշխանությունը Ալեքսանդր Սիրունյանին հասցրել է ԱԺ ամբիոն, քննարկել հարցը, բայց դեռ դիրքորոշում չունի, թե ինչպես պետք է քվեարկի։ Սա, հավանաբար, պայմանավորված է այն հանգամանքով, որ Կոռուպցիայի կանխարգելման հանձնաժողովը Սիրունյանի թեկնածության վերաբերյալ բացասական եզրակացություն է տվել։ Այս մասին Factor.am-ին հայտնել է հանձնաժողովի կողմից ԱԺ-ին ներկայացված եզրակացությանը ծանոթ մի քանի պատգամավոր տարբեր խմբակցություններից։

Այս եզրակացությունը հրապարակման ենթակա չէ։ Բովանդակությանը կարող են ծանոթանալ ԱԺ պատգամավորները, որոնք օրենքով կաշկանդված են հրապարակավ խոսել այդ մասին։

Կոռուպցիայի կանխարգելման հանձնաժողովից ևս Factor.am-ին փոխանցեցին, որ եզրակացության վերաբերյալ իրավասություն չունեն հրապարակում անել։

Ինքը՝ Ալեքսանդր Սիրունյանը, չի հերքում, որ իր վերաբերյալ բացասական եզրակացություն կա։ «Երեկ իմացա, որ նման եզրակացություն կա, այդ փաստաթուղթը ինձ չի տրամադրվել»,-ասաց նա։

Արդյոք այս բացասական եզրակացությունը հիմք կհանդիսանա՞, որ ՔՊ-ականները չընտրեն իրեն ԲԴԽ անդամի պաշտոնում, Սիրունյանն ասաց՝ կուսակիցների հետ քննարկում չի ունեցել։ «Ես որևէ կուսակցական ընկերոջ հետ քննարկում չեմ ունեցել»,-ասաց նա։

ԱԺ պետաիրավական հարցերի հանձնաժողովի անդամ, ՔՊ-ական Արուսյակ Ջուլհակյանն այսօր Factor.am-ի բազմաթիվ հարցերին ի պատասխան հաստատեց, որ Սիրունյանին կողմ կամ դեմ քվեարկելու հարցով խմբակցությունը դեռ նիստ չի անցկացրել։

-Տիկին Ջուլհակյան, ի՞նչ փուլում է Սիրունյանին ԲԴԽ անդամ ընտրելու հարցը, ձգձգվո՞ւմ է։
– Ես չգիտեմ՝ ձգձգվում է, թե՝ ոչ։ Ես չունեմ ինֆորմացիա քվեարկության վերաբերյալ։
-Այսինքն անորո՞շ է։
-Այս պահին չունեմ ինֆորմացիա քվեարկության վերաբերյալ։ Պառլամենտական գործընթաց է՝ կազմակերպել, թե որ քվեարկությունը երբ տեղի ունենա։
-Այս հարցով խմբակցության նիստ եղե՞լ է։
-Չի եղել խմբակցության նիստ։
-Դեռ պետք է քննարկե՞ք՝ ինչպես եք քվեարկելու։
-Խմբակցության աշխատանքերի հետ կապված հարցերը ուղղեք խմբակցության ղեկավարին։
-Իսկ սովորաբար քվեարկություններից առաջ խմբակցության նիստ հրավիրվո՞ւմ է, որ հստակեցվի խմբակցության դիրքորոշումը։
-Այո։
-Այդ նիստը դեռ չի՞ եղել։
-Ո՞րը, թե ինչպես պետք է քվեարկե՞նք։ Ես նորից եմ ասում՝ կլինի նիստը, թե՝ ոչ, առհասարակ որոշում կայացվում է, թե ինչպես ենք քվեարկելու։
-Դեռ չի կայացվե՞լ։
-Խնդրում եմ՝ խմբակցության որոշումների գոյության, բացակայության հետ կապված հարցերը ուղղել խմբակցության ղեկավարին։
-Ինձ հետաքրքրում է՝ դուք մասնակցել եք նիստի, որտեղ քննարկվում էր՝ ինչպես պետք է քվեարկել Ալեքսանդր Սիրունյանի թեկնածությանը։
-Ես նման նիստի չեմ մասնակցել։
-Իսկ բացառում եք, որ նրան չեք ընտրի։
-Ես իմ կյանքում ոչինչ չեմ բացառում։

Հիշեցնենք՝ երեկ ԱԺ-ում տեղի ունեցավ Սիրունյանին ԲԴԽ անդամի պաշտոնում ընտրելու հարցի քննարկումը, որին ՔՊ-ականները մասնակցություն չունեցան։ Թեկնածուին ներկայացրեց խմբակցության քարտուղար Արթուր Հովհաննիսյանը, իսկ իշխանական պատգամավորներից որևէ մեկը թեկնածուին հարց չտվեց։ Սիրունյանին հարցախեղդ արեցին «Հայաստան» խմբակցության պատգամավորները։ Սիրունյանի առաջադրումը սուր քննադատության է արժանացրել նաև քաղհասարակությունը։ Հայաստանյան շուրջ 20 հասարակական կազմակերպություններ պահանջում են նրան չընտրել այդ պաշտոնում՝ մատնացույց անելով Սիրունյանի՝ ՔՊ անդամ լինելը և, հատկապես, հայհոյախառն, անպարկեշտ գրառումները սոցալական ցանցերում, ինչպես նաեւ արցախցիների նկատմամբ ատելություն սերմանող բարձրաձայնումները։ Սիրունյանից հետաքրքրվեցինք՝ ինչո՞ւ քննադատություններին ի պատասխան ափսոսանքի խոսքեր չի հայտնում, արդյո՞ք շարունակում է կարծել, որ իր՝ նման գործելաոճը ճիշտ է։
«Թողնում ենք այդ մասն առանց մեկնաբանությունների»,-ասաց նա՝ ընդհատելով հեռախոսազանգը։

Նարեկ Կիրակոսյան