09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Միրզոյանը նշեց, թե ինչ են քննարկել Լավրովի հետ․ ՏԵՍԱՆՅՈՒԹ
Քաղաքականություն
21.01.2025 | 16:59
ՀՀ ԱԳՆ ղեկավար Արարատ Միրզոյանի գնահատմամբ Մոսկվայում ՌԴ ԱԳՆ ղեկավարի հետ հանդիպումն անցել է անկեղծ ու կառուցողական մթնոլորտում։
«Այսօրվա հանդիպումն անցել է անկեղծ, կառուցողական մթնոլորտում, քննարկվել է հարցերի լայն շրջանակ, երկկողմ համագործակցությունն ու խաղաղությունը Հարավային Կովկասում»,- հայտարարել է Միրզոյանը։
Տնտեսության մասով ՀՀ ԱԳՆ ղեկավարը նշել է, որ թվերն ինքնին խոսում են։
«Հայաստանի համար ԵՏՄ շրջանակներում առևտրատնտեսական համագործակցությունը տնտեսական աճի և արտաքին առևտրային ներուժի իրացման գործոններից մեկն է»,- ասել է Միրզոյանը՝ շեշտելով, որ Իրանը ԵՏՄ-ում ՀՀ նախագահությամբ դիտորդի կարգավիճակ է ստացել։
ՀՀ արտաքին գերատեսչության ղեկավարը նշել է նաև, որ հանդիպմանը քննարկվել են նաև Հարավային Կովկասում խաղաղության ու կայունության հաստատման հարցերը։ Նախարարի խոսքով՝ չնայած բոլոր խնդիրներին ու մարտահրավերներին՝ ՀՀ-ն անկեղծ ջանքեր է գործադրում երկարատև ու կայուն խաղաղության հասնելու համար, ինչը բխում է ողջ տարածաշրջանի շահերից։
Մանրամասները՝ տեսանյութում։
Տաթև Ֆռանգյան
