09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Հյուպատոսական ներկայության ընդլայնում, այցեր ՀՀ, սահմանազատում․ Լավրովը ներկայացրեց քննարկված թեմաները
Քաղաքականություն
21.01.2025 | 15:04
ՌԴ ԱԳ նախարար Սերգեյ Լավրովն ասուլիսում հայտնել է, որ Արարատ Միրզոյանի հետ քննարկել է հյուպատոսական ներկայության ընդլայնման հեռանկարները, ինչը բխում է երկու երկրների շահերից։ «Մենք քննարկել ենք փոխադարձ հյուպատոսական ներկայության ընդլայնման հեռանկարները, այդ թվում՝ Ռուսաստանի հյուպատոսական ներկայությունը ՀՀ Սյունիքի մարզում, որը ռազմավարական նշանակություն ունեցող մարզ է։ Մենք ելնում ենք նրանից, որ դիվանագիտական ներկայացուցչությունների ընդլայնումը, դրանց քանակի ավելացումը համապատասխանում է մեր երկրների շահերին»,- ասել է նախարարը Միրզոյանի հետ բանակցություններին հաջորդած ասուլիսում։
Լավրովը նաև նշել է, որ ընդունել է Արարատ Միրզոյանի՝ Հայաստանի մայրաքաղաք այցելելու հրավերը։ Վերջինս նաև տեղեկացրել է, որ մշակվում է նաև Դաշնային խորհրդի նախագահ Վալենտինա Մատվիենկոյի Հայաստան այցը։
Լավրովի խոսքով, Մոսկվայում կայացած հանդիպումը օգտակար զրույց էր և կարծիքների փոխանակում, որը կօգնի լուծել վերջերս ծագած և երբեմն լրատվամիջոցների ոչ այնքան համարժեք արձագանքի պատճառ դարձած հարցերը։
«Այսօր մենք ազնվորեն գնահատականներ ենք փոխանակել, և կա շահագրգռվածություն, որ հարաբերությունները զարգանան ի շահ ժողովուրդների և չենթարկվեն պատեհապաշտական ազդեցության»,- հավելել է ռուս նախարարը։
Մանրամասները՝ տեսանյութում։
Տաթև Ֆռանգյան
