06.07.2026 | 16:11
Հայաստանի վերամշակող արդյունաբերությունը վերջին 9 տարում կրկնապատկվել է․ Փաշինյանը՝ «Իննոպրոմ-2026»-ում
Ռաֆայել Երիցյանը չընտրվեց Հակակոռուպցիոն կոմիտեի նախագահ. խորհուրդը դեմ քվեարկեց. ՏԵՍԱՆՅՈՒԹ
Քաղաքականություն
20.01.2025 | 19:04
Ռաֆայել Երիցյանը չընտրվեց Հակակոռուպցիոն կոմիտեի նախագահ՝ բավարար ձայներ չհավաքելու պատճառով: Ըստ մրցույթի խորհրդի անդամ, «Իրազեկ քաղաքացիների միավոր» ՀԿ ծրագրերի ղեկավար Դանիել Իոաննիսյանի՝ Երիցյանը չի հաղթահարել բարեվարքության շեմը, մասնավորապես՝ թեկնածուն պետք է 75 տոկոս և ավելի բալ հավաքեր, ինչը ԱԱԾ պաշտոնյան, փաստացի, չի հավաքել։
Նշենք՝ Ռաֆայել Երիցյանն այս պահին Ազգային անվտանգության ծառայության տնտեսական անվտանգության և կոռուպցիայի հակազդման գլխավոր վարչության պետն է։ Այս մասին նշեց հենց ինքը՝ մրցույթի ժամանակ։
Վեց անդամից բաղկացած խորհրդի անդամներն այսօր մի շարք հարցեր հղեցին Երիցյանին՝ ստուգելու նրա մասնագիտական կարողությունը, գնահատելու նրա բարեվարքություն և այլն։ Մասնավորապես, խորհուրդն անդրադարձավ ԱԱԾ պաշտոնյայի և նրա ընտանիքի անդամների թերի հայտարարագրերին, ունեցվածքին, ներքին կապերին, ծառայողական մեքենայով և օպերատիվ համարներով երթևեկելու հանգամանքին, հարցեր ուղղվեցին նաև որպես Հակակոռուպցիոն կոմիտեի ղեկավար նախատեսվող և ակնկալվող քայլերի վերաբերյալ։
