30.04.2026 | 13:29
Իսլամ Մախաչևը սկսել է պատրաստվել հաջորդ մենամարտին
Ես երկրորդ նախագահին հող չեմ վաճառել․Վաչագան Ղազարյան. ՏԵՍԱՆՅՈՒԹ
Քաղաքականություն
16.01.2025 | 19:10
Իսակովի պողոտայում հողատարածքները ենթադրյալ ապօրինի օտարելու դեպքի առթիվ քննվող քրեական գործում առկա են տվյալներ այն մասին, որ Սերժ Սարգսյանի անվտանգության ծառայության նախկին պետ Վաչագան Ղազարյանն այդ տարածքում գույք է վաճառել Հայաստանի երկրորդ նախագահ Ռոբերտ Քոչարյանին։
Այսօրվա դատական նիստի ընթացքում Վաչագան Ղազարյանը հերքեց այդ հանգամանքը։
«Ես երկրորդ նախագահին հող չեմ վաճառել։ Հողը Կորյուն Եղիազարյա՞նն է վաճառել երկրորդ նախագահին, թո՛ղ բարի լինեն, սկզբից դատարանում քննե՛ն՝ ով է վաճառել, ինչու է վաճառել, ով է գնել, ինչքանով է գնել, հետո եթե ես մեղավոր կլինեմ, թո՛ղ ինձ կանչեն դատարան, կապացուցեմ, որ ես դրա հետ գործ չունեմ»,- ասաց Վաչագան Ղազարյանը՝ դատարանին միջնորդելով իր գործն առանձնացնել գործով մյուս մեղադրյալ Արմեն Սարգսյանի գործից, որին 19 դրվագ մեղադրանք է վերագրվում՝ Իսակովի պողոտայում հողատարածքներ ենթադրյալ ապօրինի վաճառելու համար։
Նշենք, որ թե՛ Ղազարյանը, թե՛ Սարգսյանը մեղադրանքը չեն ընդունում։ Դատավոր Տիգրան Դավթյանը, սակայն, մերժեց Վաչագան Ղազարյանի գործն առանձնացնելու միջնորդությունը՝ նշելով, որ Սարգսյանի և Ղազարյանի գործերն ի սկզբանե առանձին են դատարան ուղարկվել, ինքը, ստանալով դրանք, նպատակահարմար է համարել միացնել և մեկ վարույթում քննել։
Արաքս Մամուլյան
