01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
ՌԴ-ն կարող է Հայաստանի դեմ կտրուկ քայլերի գնալ, եթե ռազմաբազայի կամ սահմանապահների դուրսբերման հարց բարձրանա․ Հայկ Խալաթյան․ ՏԵՍԱՆՅՈՒԹ
Քաղաքականություն
07.01.2025 | 20:45
«Հայաստանի և Ռուսաստանի հարաբերությունների վատթարացումը բերում է Ադրբեջանի հետ Մոսկվայի հարաբերությունների բարելավման»,- Factor TV-ի հետ զրույցում նշում է «Վերելք» տեղեկատվական-վերլուծական կենտրոնի փորձագետ Հայկ Խալաթյանը։
Նա հավելում է՝ ռուսական քաղաքականությունը հեռու է կատարյալ լինելուց, բայց Հայաստանն ավելի շատ է շահագրգռված Ռուսաստանի հետ լավ հարաբերությունների հարցում, քանի որ նրա համար դրանք կենսական կարևորություն ունեն, հետևաբար, Երևանը պետք է ավելի շատ ջանք գործադրի դրանց բարելավման համար։
Անդրադառնալով տարածաշրջանում Ադրբեջանի քաղաքականությանը՝ Խալաթյանը նշում է, որ Բաքվի համար գլխավորն Արցախյան հարցը չէր, այլ տարածաշրջանում հայկական գործոնի լիարժեք չեզոքացումը։
«Ադրբեջանը խաղաղության պայմանագիր կստորագրի միայն այն ժամանակ, երբ վստահ լինի հայկական գործոնի չեզոքացման հարցում, կամ էլ արտաքին խաղացողները պետք է Ադրբեջանին ստիպեն ստորագրել այն»,- եզրափակում է փորձագետը։
Նրա կարծիքով՝ Ռուսաստանը կարող է Հայաստանի դեմ կտրուկ քայլերի գնալ, եթե ռուսական ռազմաբազայի կամ սահմանապահների դուրսբերման հարց բարձրանա։ Փորձագետը, միաժամանակ, հավելում է՝ հայկական իշխանությունների հակառուսական դիրքորոշումը մասամբ շահեկան է նաև Ռուսաստանի համար, այն հանում է Հայաստանի անվտանգությունն ապահովելու պատասխանատվությունը։
Հարցազրույցն ամբողջությամբ՝ տեսանյութում։
Սամվել Մելիքսեթյան
