08.10.2026 | 16:21
Հայտնի է՝ ինչու է Արթուր Ալեքսանյանը բաց թողնելու աշխարհի առաջնությունը
Զելենսկին հայտնել է, որ Ուկրաինան 500 տոննա ալյուր է ուղարկել Սիրիա
27.12.2024 | 17:36
Ուկրաինան 500 տոննա ցորենի ալյուր է ուղարկել Սիրիա: Այս մասին հայտնել է Ուկրաինայի նախագահ Վլադիմիր Զելենսկին, գրում է DW-ի ռուսական ծառայությունը։
«Ինչպես խոստացել էինք՝ մենք աջակցում ենք սիրիացի ժողովրդին դժվարին պահերին»,- գրել է նա ուկրաիներեն, անգլերեն և արաբերեն:
Զելենսկիի խոսքով՝ բեռնափոխադրումն իրականացվել է «Հացահատիկ Ուկրաինայից» մարդասիրական ծրագրի շրջանակում՝ ՄԱԿ-ի Պարենի համաշխարհային ծրագրի հետ համատեղ։
«Նախատեսվում է, որ առաջիկա շաբաթներին ցորենի ալյուրը կբաշխվի 33,250 ընտանիքների կամ 167,000 մարդու։ Յուրաքանչյուր փաթեթը կշռում է 15 կիլոգրամ և կարող է կերակրել 5 հոգանոց ընտանիքի մեկ ամսվա ընթացքում»,- նշել է Ուկրաինայի նախագահը՝ Սիրիային և նրա ժողովրդին մաղթելով «անվտանգություն, կայունություն և վերակառուցում»։
Ավելի վաղ տեղեկություններ էին տարածվել, որ Սիրիայի նախկին նախագահ Ասադին տապալած սիրիացի ապաստամբներն Ուկրաինայից օգնություն են ստացել։
Թարգմանությունը՝ Էմմա Չոբանյանի
