26.05.2026 | 14:34
Հայ հեծանվորդը հաղթել է միջազգային մրցաշարում
Ասադին տապալած սիրիացի ապաստամբներն Ուկրաինայից օգնություն են ստացել․ Washington Post
Քաղաքականություն
11.12.2024 | 16:35
Սիրիայի նախագահ Բաշար Ասադի տապալումից առաջ Ուկրաինան ռազմական աջակցություն է ցուցաբերել հակաասադական խմբավորումներին։ Այս մասին հայտնում է ամերիկյան The Washington Post (WP)՝ վկայակոչելով արտասահմանում Ուկրաինայի հետախուզական ծառայությունների գործունեությանը ծանոթ աղբյուրին, գրում է DW-ի ռուսական ծառայությունը։
Հաղորդվում է, որ չորս-հինգ շաբաթ առաջ ուկրաինական հետախուզությունը 20 փորձառու անօդաչուների օպերատորի և շուրջ 150 FPV անօդաչու թռչող սարք է ուղարկել Իդլիբում գտնվող սուննի իսլամիստական խմբավորման (HTS) շտաբ։ Կիևը հույս է ունեցել, որ այդ քայլը կօգնի խաթարել Ռուսաստանի և նրա սիրիացի դաշնակիցների դիրքերը։
Իրենց հերթին, արևմտյան հետախուզության աղբյուրները կարծում են, որ ուկրաինական օգնությունը միայն համեստ դեր է խաղացել Ասադի ռեժիմի տապալման գործում:
Միաժամանակ, ըստ ամերիկյան լրատվամիջոցի, դա «ուշագրավ է որպես Մերձավոր Արևելքում, Աֆրիկայում և հենց Ռուսաստանում ռուսական գործողությունների վրա գաղտնի հարձակումներ իրականացնելու՝ Ուկրաինայի ավելի լայն ջանքերի մաս»։
Թարգմանությունը՝ Էմմա Չոբանյանի
