07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ղազախստանում 10 օրով կալանավորել են ադրբեջանական օդանավի կործանման վայրը նկարահանած բլոգերին
Քաղաքականություն
26.12.2024 | 15:22
Ղազախստանում 10 օրով կալանավորել են բլոգեր Ազամատ Սարսենբաևը, որը նկարահանել է Ակտաուում ադրբեջանական օդանավի կորխծանման վայրը։ Այս մասին նա գրել է սոցիալական ցանցերում, փոխանցում է Current time-ը։
Մանգիստաուի շրջանի Տուպկարագանսկի շրջանային դատարանի վճռի համաձայն՝ Սարսենբաևը մեղավոր է ճանաչվել իրավապահ մարմինների աշխատակցի օրինական պահանջին չենթարկվելու համար։ Ըստ բլոգերի փաստաբան Այբեկ Սյունդուկովի՝ պատիժը նշանակվել է Ղազախստանի Վարչական իրավախախտումների վերաբերյալ օրենսգրքի 667-րդ հոդվածի 1-ին մասով՝ «Իշխանության ներկայացուցչի օրինական պահանջին անհնազանդություն»։
Բլորգերը նախօրեին պատմել էր իր ձերբակալության մասին։ Ոստիկանությունից հայտնել են, որ տղամարդը «դեպքի վայրում անօդաչու թռչող սարք է գործարկել՝ խոչընդոտներ ստեղծելով փրկարար ծառայությունների աշխատանքի և քննչական գործողությունների համար, ինչպես նաև չի կատարել ոստիկանության ծառայողների օրինական պահանջները»։
Բլոգերը նաև պատմել է, որ իր նկարահանած կադրերն օգտագործել են համաշխարհային լրատվամիջոցները, այդ թվում՝ Reuters-ը, The Guardian-ը, BBC-ն և Le Monde-ը։
Թարգմանությունը՝ Էմմա Չոբանյանի
