04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Մոսկվայի դատարանն ԱՄՆ քաղաքացուն լրտեսության մեղադրանքով 15 տարվա ազատազրկման է դատապարտել
Քաղաքականություն
24.12.2024 | 17:29
Մոսկվայի քաղաքային դատարանը «Մեդպոլիմերպրոմ» խմբի տնօրենների խորհրդի նախկին նախագահ, ռուսական ծագումով ԱՄՆ քաղաքացի Ջին (Եվգենի) Սպեկտորին դատապարտել է 15 տարվա ազատազրկման խիստ ռեժիմի գաղութում։ Նրան մեղավոր են ճանաչել լրտեսության մեղադրանքով, գրում է Meduza-ն։
Դատավարությունն անցկացվել է դռնփակ՝ գործում «գաղտնի նյութերի առկայության պատճառով»։ Դատարանը հրապարակել է դատավճռի միայն ներածական և օպերատիվ մասերը։ Դատարանն ուժի մեջ է թողել 14 միլիոն ռուբլու տուգանքը, որը նախկինում կիրառվել էր Սպեկտորի նկատմամբ մեկ այլ գործով։
Մոսկվայի քաղաքային դատարանը նախորդ պատժաչափի հետ կապված պատիժ է նշանակել, որի համաձայն՝ Սպեկտորը դատապարտվել է ՌԴ նախկին փոխվարչապետ Արկադի Դվորկովիչի նախկին օգնական Անաստասիա Ալեքսեևային կաշառք տալու միջնորդության գործով։ 2022 թվականի սեպտեմբերին Սպեկտորին այդ գործով դատապատել էին 3,5 տարվա ազատազրկման։
2023 թվականի օգոստոսին նա ձերբակալվել էր լրտեսության մեղադրանքով։
Թարգմանությունը՝ Էմմա Չոբանյանի
