21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Փաշինյանը Վահագն Գևորգյանին ազատել է Ջրային կոմիտեի նախագահի ԺՊ-ի պաշտոնից
Քաղաքականություն
20.12.2024 | 18:49
Նիկոլ Փաշինյանը որոշում է ստորագրել Ջրային կոմիտեի նախագահի ԺՊ-ին աշխատանքից ազատելու մասին։
«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Ջրային կոմիտեի նախագահի ժամանակավոր պաշտոնակատար Վահագն Գևորգյանին ազատել զբաղեցրած պաշտոնից»,- նշված է Փաշինյանի ստորագրած որոշման մեջ:
Հիշեցնենք, որ Նիկոլ Փաշինյանի 2021 թվականի դեկտեմբերի 17-ի որոշմամբ՝ Աբովյանի նախկին քաղաքապետ Վահագն Գևորգյանը նշանակվել էր Ջրային կոմիտեի ղեկավար։ Մինչև այդ Գևորգյանը զբաղեցնում էր Աբովյանի քաղաքապետի պաշտոնը։ Նա այդ պաշտոնում ընտրվել էր 2015 թվականին ԲՀԿ-ի ցուցակով։ Վահագն Գևորգյանը 4 տարի անց վերընտրվել էր քաղաքապետի պաշտոնում, բայց այս անգամ որպես անկուսակցական թեկնածու։ Վահագն Գևորգյանը եղել է նաև ԲՀԿ առաջնորդ, ԱԺ պատագամավոր Գագիկ Ծառուկյանը օգնականը։
Վահագն Գևորգյանին 2020 թվականին մեղադրանք էր առաջադրվել։ ՀՀ Գլխավոր դատախազությունը հայտնել էր, որ համայնքային հողամասերի ինքնակամ զավթումը, շինությունների ինքնակամ կառուցումը կասեցնելու, կանխարգելելու ուղղությամբ միջոցներ չձեռնարկելու համար մեղադրանք է առաջադրվել Աբովյան համայնքի ղեկավարին։ Աբովյանի քաղաքապետը, ըստ առաջադրված մեղադրանքի, պաշտոնեական անփութություն է դրսևորել ու թույլատրել է 2240 մետր մակերեսով հողամաս զավթել։ Բացի այս մեկից, Գևորգյանին առնչվող այլ քրեական գործեր էլ են եղել, որոնք, սակայն, բոլորը կարճվել են։
Մանյա Պողոսյան
